ന്യൂദല്ഹി: ഹോര്മുസ് കടലിടുക്കില് വച്ച് ഇറാന് പിടിച്ചെടുത്ത ബ്രിട്ടിഷ് എണ്ണക്കപ്പലില് നാല് മലയാളികള് ഉള്പ്പെട്ടിടുണ്ടെന്ന് റിപ്പോര്ട്ട്. കപ്പല് ജീവനക്കാരായ 23 പേരില് 18 പേരും ഇന്ത്യക്കാരാണ്. മൂന്ന് കൊച്ചി സ്വദേശികളും ഒരു മലപ്പുറം സ്വദേശിയുമാണ ്കപ്പലിലുള്ളത്. കളമശ്ശേരി സ്വദേശിയായ ഡിജോ പാപ്പച്ചന്, മലപ്പുറം സ്വദേശിയായ അജ്മലും ഇതില് ഇള്പ്പെട്ടവരാണ്. ഡിജോയുടെ അച്ഛനെ കപ്പല് ഉദ്യോഗസ്ഥര് വിളിച്ച് വിവരം അറിയിക്കുകയായിരുന്നു. പള്ളുരുത്തി, തൃപ്പൂണിത്തുറ സ്വദേശികളാണ് മറ്റ് രണ്ട് പേര്.
അതിനിടെ കപ്പലില് അകപ്പെട്ട് പോയ മലയാളികളെ നാട്ടിലെത്തിക്കുന്നതിനാവശ്യമായ നടപടികള് ആരംഭിച്ചതായി വിദേശകാര്യവകുപ്പ് സഹമന്ത്രി വി മുരളീധരന്.ഇറാന് അധികൃതരുമായി ദല്ഹിയില് വച്ചും ടെഹ്റാനില് വച്ചും ബന്ധപ്പെട്ടുവെന്ന് കപ്പലിലുള്ള ആളുകളുടെ വിശദാംശങ്ങള് ആവശ്യപ്പെട്ടെങ്കിലും ഇറാന് ഔദ്യോഗികമായി ഇതുവരെ വിവരങ്ങള് പങ്കുവെച്ചിട്ടില്ല. ഔദ്യോഗികമായി വിവരങ്ങള് ലഭിക്കുന്നത് വരെ സ്ഥിരീകരണം നല്കാനാവില്ല. അതുകൊണ്ട് തന്നെ കപ്പലിന്റെ ഉടമസ്ഥരില് നിന്നും വിശദാംശങ്ങള് ലഭിക്കാനുള്ള ശ്രമത്തിലാണെന്നും മന്ത്രി പറഞ്ഞു.
അന്തര്ദേശീയ സമുദ്രാതിര്ത്തി ലംഘിച്ചുവെന്നാരോപിച്ച് ഹോര്മുസ് കടലിടുക്കില് വെച്ചാണ് ബ്രിട്ടീഷ് എണ്ണക്കപ്പല് ഇറാന് പിടിച്ചെടുത്തത്. 23 പേരാണ് കപ്പലിലുണ്ടായിരുന്നത്.കപ്പല് ഇറാന്റെ ഇസ്ലാമിക് റെവല്യൂഷണറി ഗാര്ഡിന്റെ കസ്റ്റഡിയിലാണുള്ളത്. കപ്പല് ഇറാന്റെ ഒരു മീന്പിടിത്തബോട്ടിനെ ഇടിച്ചതായി ഹോര്മുസ്ഗന് പ്രവിശ്യയിലെ തുറമുഖ സമുദ്രകാര്യവിഭാഗം ഡയറക്ടര് ജനറല് അല്ലാമൊറാദ് അഫിഫിപോറിനെ ഉദ്ധരിച്ച് ഇറാന്റെ വാര്ത്താ ഏജന്സി ഇര്ന റിപ്പോര്ട്ട് ചെയ്തു. ബോട്ടിന്റെ ക്യാപ്റ്റന് ബ്രിട്ടീഷ് കപ്പലുമായി ബന്ധപ്പെടാന് ശ്രമിച്ചെങ്കിലും അവര് സിഗ്നല് നല്കിയില്ലെന്നും ഡയറക്ടര് ജനറല് പറഞ്ഞു.
അപകടം വിളിച്ചുവരുത്തുന്നതാണ് ഇറാന്റെ നടപടിയെന്ന് ബ്രിട്ടീഷ് വിദേശകാര്യമന്ത്രി ജെറമി ഹണ്ട് മുന്നറിയിപ്പ് നല്കി. നിയമവിരുദ്ധമായ ഇത്തരം നീക്കങ്ങള് കാര്യങ്ങള് മാറ്റിമറിക്കും. കപ്പലുമായി ബന്ധപ്പെടാന് ഉടമകള്ക്ക് കഴിഞ്ഞിട്ടില്ല. ഇറാനിയന് അധികൃതരുമായി അവിടത്തെ ബ്രിട്ടീഷ് സ്ഥാനപതി ബന്ധപ്പെട്ടുവരികയാണ്.
ബ്രിട്ടന്റെ പതാക ഘടിപ്പിച്ച സ്വീഡന്റെ ഉടമസ്ഥതയിലുള്ള കപ്പലാണ് സ്റ്റെനാ ഇംപേരോ. സ്റ്റെന ബള്ക്ക് എന്ന കമ്പനിയാണ് ഉടമസ്ഥര്. ഹോര്മുസില് ഇറാന് പിടിച്ചെടുത്തശേഷം കപ്പലിലെ ജീവനക്കാരുമായി ആശയവിനിമയം സാധ്യമാകുന്നില്ലെന്ന് കമ്പനി കഴിഞ്ഞദിവസം അറിയിച്ചിരുന്നു. ഹോര്മുസ് കടലിടുക്കില്വെച്ച് ചെറിയ കപ്പലും ഹെലികോപ്റ്ററും ബ്രിട്ടീഷ് കപ്പലിനെ സമീപിക്കുകയും കപ്പല് ഇറാന്റെ സമുദ്രമേഖലയിലേക്ക് കൊണ്ടുപോവുകയുമായിരുന്നു.
ലൈബീരിയന് പതാകയുള്ള എം.വി. മെസ്ദാര് എന്ന മറ്റൊരു കപ്പലും ഇറാന് പിടിച്ചെടുത്തെങ്കിലും പിന്നീട് വിട്ടയച്ചു. ജീവനക്കാര് സുരക്ഷിതരാണെന്ന് സ്റ്റെന ബള്ക്കിന്റെ പ്രസിഡന്റും ചീഫ് എക്സിക്യുട്ടീവുമായ എറിക് ഹാനെല് അറിയിച്ചു. ബ്രിട്ടീഷ്, സ്വീഡിഷ് സര്ക്കാരുമായി വിഷയത്തില് ബന്ധപ്പെടുന്നുണ്ടെന്നും അദ്ദേഹം പറഞ്ഞു.
