ഇടുക്കി: വൈദ്യുതി ചാര്‍ജ് കൂട്ടിയതിന് പിന്നാലെ ഇരുട്ടടിയായി ലോഡ് ഷെഡിങ്ങും ഉടന്‍ എത്തും. പത്തു ദിവസത്തിനകം വൈദ്യുതി നിയന്ത്രണം ഏര്‍പ്പെടുത്തേണ്ടി വരുമെന്ന് വൈദ്യുതി മന്ത്രി എം.എം. മണി വ്യക്തമാക്കി. കഴിഞ്ഞ ആഴ്ച ബോര്‍ഡ് ചെയര്‍മാനും ഇക്കാര്യം അറിയിച്ചിരുന്നു. ആസന്നമായ വൈദ്യുതി ക്ഷാമത്തെ കുറിച്ച് ജൂണ്‍ 14ന് ജന്മഭൂമി വാര്‍ത്ത പ്രസിദ്ധീകരിച്ചിരുന്നു. സംസ്ഥാനം കടുത്ത വൈദ്യുതി പ്രതിസന്ധിയിലാണ്. കാലാവസ്ഥ മാറിയില്ലെങ്കില്‍ പരമാവധി 15 ദിവസം വരെയേ ഈ നില തുടരാനാകൂ, മന്ത്രി മാധ്യമപ്രവര്‍ത്തകരോട് പറഞ്ഞു.
അര മണിക്കൂര്‍ മുതല്‍ ഒരു മണിക്കൂര്‍ വരെ വൈദ്യുതി നിയന്ത്രണം ഏര്‍പ്പെടുത്താനാണ് ഉദ്ദേശ്യം. പുറത്തുനിന്ന് വൈദ്യുതി എത്തിക്കാനാണ് ശ്രമമെങ്കിലും ഇടനാഴി(ലൈന്‍)യുടെ കുറവ് പ്രശ്‌നമാകുമെന്നും അദ്ദേഹം പറഞ്ഞു.
