മുംബൈ : കര്ണാടക കുമാരസ്വാമി സര്ക്കാരിനെ പ്രതിരോധത്തിലാക്കി രാജി വെച്ച 10 ഭരണ പക്ഷ എംഎല്എമാര് മുംബൈയിലെ ഹോട്ടലില് ത ങ്ങുന്നതായി വിവരം. മൂന്ന് എംഎല്എമാര് ബെംഗളൂരുവിലാണ്. അനുനയിപ്പിക്കുന്നതിനായി കോണ്ഗ്രസ്, ജെഡിയു എംഎല്എമാരും ഇവര്ക്കു പിന്നാലെ കൂടിയിട്ടുണ്ട്. എംഎല്എമാരുടെ രാജിക്കത്ത് ചൊവ്വാഴ്ച പരിശോധിക്കുമെന്നാണ് സ്പീക്കര് അറിയിച്ചിരിക്കുന്നത്.
എഐസിസി ജനറല് സെക്രട്ടറി കെ. സി. വേണുഗോപാല് ബെംഗളൂരുവില് തങ്ങി മൂന്നു എംഎല്എമാരുമായി അനുരഞ്ജന ചര്ച്ചകള് നടത്തി വരികായാണ്. കര്ണ്ണാടകയില് ജെഡിയു കോണ്ഗ്രസ് സഖ്യത്തിലാണ് കുമാര സ്വാമി സര്ക്കാര് സംസ്ഥാനത്ത് ഭരണം നടത്തുന്നത്.
ഭൂരിപക്ഷം നഷ്ടപ്പെട്ടാല് കോണ്ഗ്രസ്സിന് തന്നെയാവും തിരിച്ചടി. കോണ്ഗ്രസ്സിന് ഒരു സംസ്ഥാനത്തെ കൂടി ഭരണം നഷ്ടപ്പെട്ടാല് ദേശീയ തലത്തില് തന്ന ഇത് പാര്ട്ടിക്ക് വന് നഷ്ടമാകും ഉണ്ടാക്കുക. അതേസമയം സംസ്ഥാന ഭരണം ഇത്രയും വലിയ പ്രതിസന്ധിയില് ആയിരിക്കുമ്പോള് മുഖ്യമന്ത്രിയായ കുമാരസ്വാമി യുഎസ് സന്ദര്ശനത്തിലാണ്. ഇന്ന് രാത്രിയോടെയാണ് തിരിച്ചെത്തുക.
രാജിവച്ച മുന് ആഭ്യന്തരമന്ത്രി രാമലിംഗ റെഡ്ഡിയുമായി കെ. സി. വേണുഗോപാല് കൂടിക്കാഴ്ച നടത്തി. സമ്പൂര്ണ മന്ത്രിസഭാ പുനഃസംഘടന റെഡ്ഡി ആവശ്യപ്പെട്ടെന്നാണ് സൂചന. ഇത് അംഗീകരിക്കാന് കോണ്ഗ്രസ് തയ്യാറായിട്ടില്ല.എന്നാല് ജൂലൈ 12ന് നിയമസഭാ സമ്മേളനം തുടങ്ങുന്നതിന് മുന്പ് വിമതരെ ഉള്പ്പെടുത്തി മന്ത്രിസഭാ പുനഃസംഘടിപ്പിക്കണമെന്ന ആലോചനയും സജീവമാണ്. മുഖ്യമന്ത്രി കോണ്ഗ്രസ് നേതാക്കളുമായി ചര്ച്ച നടത്തിയ ശേഷം ഇതില് തീരുമാനമുണ്ടാകുമെന്നാണ് അറിയാന് സാധിക്കുന്നത്.
