ന്യൂദല്ഹി: പാര്ലമെന്റില് ഒരു വനിത ബജറ്റ് അവതരിപ്പിക്കുന്നത് അര നൂറ്റാണ്ടിന് ശേഷം. നേരത്തെ ഇന്ദിര ഗാന്ധി മാത്രമാണ് സഭയില് ബജറ്റ് അവതരിപ്പിച്ചത്. സാധാരണയായി ധനമന്ത്രിമാര് ഉപയോഗിക്കാറുള്ള ബ്രീഫ്കേസിന് പകരം ദേശീയ ചിഹ്നം പതിച്ച ചുവന്ന പട്ടുതുണിയില് പൊതിഞ്ഞാണ് ബജറ്റ് കോപ്പിയുമായാണ് ധനമന്ത്രി പാര്ലമെന്റില് എത്തിയത്.
സാധാരാണയായി ധനമന്ത്രിമാര് ബഡ്ജറ്റ് രേഖകള് തുകലില് നിര്മ്മിച്ച ബ്രീഫ്കേസിലാണ് കൊണ്ട് വരാറുള്ളത്. ഇതിനുമുമ്പ് ബജറ്റ് അവതരിപ്പിച്ച പീയുഷ് ഗോയല് വര ഈ രീതിയിലാണ് തുടര്ന്നതും. എന്നാല് തലമുറകളുടെ ഈ ആചാരം ധനമന്ത്രി ഒഴിവാക്കി. ധനമന്ത്രാലയത്തില് നിന്നും ബഡ്ജറ്റ് അവതരണത്തിന് മുന്നോടിയായി രാഷ്ട്രപതിയെ കാണാനായി അദ്ദേഹത്തിന്റെ ഔദ്യോഗിക വസതിയിലേക്ക് ചുവന്ന പട്ടില് പൊതിഞ്ഞു തന്നെയാണ് ബഡ്ജറ്റ് രേഖകള് നിര്മ്മല സീതാരാമന് കൊണ്ട് പോയത്.
എന്നാല് ഇത് വെറും തുണിയല്ല, അതിനുമുണ്ട് പ്രത്യേകതകള് ഏറെ രാജ്യത്തെ വ്യാപാരികള് പണ്ട് കാലം മുതല് ഉപയോഗിച്ചിരുന്ന കണക്കെഴുത്തു പുസ്കകമാണ്. ഇതിന് ഹിന്ദിയില് ‘ബഹി ഖാത’ എന്നാണ് പറയുക. ചില ട്രഡീഷണല് ട്രേഡേഴ്സ് കടകളില് നമ്മള് കാണാറുള്ള അതേ പുസ്തകം തന്നെ.ഇതിലൂടെ ഒരു ബ്രിട്ടീഷ് രീതി ഉപേക്ഷിച്ച് രാജ്യത്തിന്െ തനത് കണക്കെഴുത്ത് രീതിയോടുള്ള ആദരസൂചകമായാണ് നിര്മലാ സീതാരാമന് ഈ നടപടി സ്വീകരിച്ചതെന്നാണ് ധനമന്ത്രാലയത്തിലെ ഉദ്യോഗസ്ഥര് പറയുന്നത്. നിര്മ്മല സീതാരാമന്റെ മാതാപിതാക്കളും മകളുടെ ആദ്യ ബജറ്റ് അവതരണത്തിന് കാതോര്ക്കുന്നതിനായി പാര്ലമെന്റില് എത്തിയിരുന്നു.
