ന്യൂദല്ഹി: സ്കൂള് വിദ്യാഭ്യാസത്തിനൊപ്പം യോഗയും നിര്ബന്ധമാക്കണമെന്ന് ബി.ജെ.പി, എം.പി സരോജ് പാണ്ഡെ. പാശ്ചാത്യരാജ്യങ്ങളില് നിന്നുമുള്ള സംസ്കാരം പകര്ത്തുന്നതിന് പകരം നമ്മുടെ രാജ്യത്തിന്റെ സംസ്കാരങ്ങളാണ് പിന്തുടരേണ്ടതെന്നും അവര് രാജ്യസഭയില് പറഞ്ഞു. സ്കൂള് കാലഘട്ടത്തില് വിദ്യാര്ത്ഥികള്ക്ക് യോഗ നിര്ബന്ധമാക്കണമെന്ന് ഞാന് ആവശ്യപ്പെടുകയാണ്. ചെറിയ പ്രായത്തില് തന്നെ കുട്ടികള് യോഗ പഠിക്കുകയാണെങ്കില് എല്ലാ പ്രതിസന്ധികളേയും തരണം ചെയ്യാന് കുട്ടികള്ക്ക് സാധിക്കും. ഇത് അവരുടെ വ്യക്തിത്വ വികാസത്തിന് നല്ലതാണെന്നും സരോജ് പാണ്ഡെ രാജ്യസഭയില് പറഞ്ഞു.
കഴിഞ്ഞ ദിവസം യോഗ ചെയ്യുന്നതിന് ക്രൈസ്തവര്ക്ക് മാര്ഗരേഖയുമായി കെസിബിസി രംഗത്ത് എത്തിയിരുന്നു. യോഗയെ ശാരീരിക- മാനസിക വ്യായാമമായി സ്വീകരിക്കുന്നതില് ക്രൈസ്തവര്ക്ക് ആശങ്ക വേണ്ടെന്ന് കേരള കാത്തലിക് ബിഷപ്പ്സ് കൗണ്സില് മാര്ഗരേഖയില് വ്യക്തമാക്കിയിരിക്കുന്നു. ക്രിസ്തു കേന്ദ്രീകൃതമായ ആത്മീയ ജീവിതത്തിന്റെ വളര്ച്ചയ്ക്ക് സഹായകമെന്ന നിലയ്ക്കാണ് യോഗ പരിശീലിക്കേണ്ടതെന്നാണ് കെസിബിസി വാദം ഉയര്ത്തിയത്.
