തിരുവനന്തപുരം: ആര്എസ്എസ് താലൂക്ക് കാര്യവാഹിനെ കൊലപ്പെടുത്താന് സിപിഎം ശ്രമം. വീട് മാറിയതിനാല് കൊലപാതകം ഒഴിവായി. ആര്എസ്എസ് പാറശ്ശാല താലൂക്ക് കാര്യവാഹ് ദേവശ്വരം ഗോപനെ കൊല ചെയ്യാനുള്ള സിപിഎം ശ്രമമാണ് കഴിഞ്ഞ ദിവസം നടന്നത്.
ചൊവ്വാഴ്ച രാവിലെ 2.30 നാണ് നാടിനെ നടുക്കിയ സംഭവങ്ങള് അരങ്ങേറിയത്. കണ്ണൂര് മോഡല് ആക്രമണ രീതിയിലാണ് സിപിഎമ്മിലെ ആറംഗ സംഘം മാരാകായുധങ്ങളുമായി എത്തിയത്. ദേവേശ്വരം ഗോപന്റെ വീടെന്ന് കരുതിയ സിപിഎം അക്രമികള് തകര്ത്തത് സഹോദരിയുടെ വീടും വീടിനു മുന്നില് പാര്ക്ക് ചെയ്തിരുന്ന വാഹനങ്ങളും. ധനുവച്ചപുരം സ്വദേശി പെരിയസ്വാമിയുടെ വീടും ബൈക്കുകളും തകര്ത്തത്.
പെരിയസ്വാമിയും ഭാര്യ ഇന്ദിരാദേവിയും മക്കള് ശരണ്യയും അഭിലാഷും രാത്രി ഉറങ്ങിക്കിടക്കവെയാണ് അക്രമികള് എത്തി വീടും വാഹനങ്ങളും അടിച്ച് തകര്ത്ത് ആയുധങ്ങളുമായി കൊലവിളി നടത്തിയത്. വീട്ടുകാരുടെ നിലവിളി കേട്ട് സമീപവാസികള് ഓടിയെത്തിയതോടെ അക്രമികള് രക്ഷപ്പെടുകയായിരുന്നു. ആര്എസ്എസ് താലൂക്ക് കാര്യവാഹ് ഗോപന്റെ സഹോദരിയാണ് ഇന്ദിരാദേവി. ഗോപന് ഇന്ദിരാദേവിയുടെ വീട്ടില് താമസമാണെന്ന് കരുതിയാണ് അക്രമികള് സഹോദരിയുടെ വീട് തകര്ത്ത് അകത്ത് കയറാന് ശ്രമിച്ചത്. ഗോപനെ വകവരുത്താന് പല തവണയായി സിപിഎം അക്രമികള് ശ്രമിക്കുകയാണെന്നും നാട്ടുകാരും ബന്ധുക്കളും പറയുന്നു.
കഴിഞ്ഞ ദിവസം ധനുവച്ചപുരം കോളേജിലും പരിസര പ്രദേശങ്ങളിലും എസ്എഫ്ഐ അക്രമണം അഴിച്ച് വിടുകയും നിരവധി വിദ്യാര്ഥികള്ക്ക് പരിക്കേല്ക്കുകയും ചെയ്തിരുന്നു. ധനുവച്ചപുരം പ്രദേശത്ത് തുടര്ച്ചയായി അക്രമങ്ങള് നടക്കുമ്പോള് പോലീസ് നിഷ്ക്രിയത്വം കാണിക്കുന്നതാണ് ഇത്തരം സംഭവങ്ങള്ക്ക് കാരണമെന്ന് നാട്ടുകാര് ആരോപിക്കുന്നു. സംഭവത്തില് പ്രതിഷേധിച്ച് സംഘപരിവാര് പ്രവര്ത്തകര് പ്രതിഷേധ മാര്ച്ച് സംഘടിപ്പിച്ചു. പലവകുളങ്ങര ജംഗ്ഷനില് നിന്നും ആരംഭിച്ച പ്രതിഷേധമാര്ച്ച് ഉദിയന്കുളങ്ങര ജംഗ്ഷനില് സമാപിച്ചു. മാര്ച്ച് ബിജെപി പാറശ്ശാല മണ്ഡലം പ്രസിഡന്റ് കൊല്ലയില് അജിത്ത് കുമാര് ഉദ്ഘാടനം ചെയ്തു.
