തിരുവനന്തപുരം: കണ്വന്ഷന് സെന്ററിന് അനുമതി നിഷേധിച്ചതിനെത്തുടര്ന്ന് ആന്തൂരില് പ്രവാസി വ്യവസായി ആത്മഹത്യ ചെയ്ത സംഭവത്തില് നഗരസഭയിലെ നാല് ഉദ്യോഗസ്ഥര്ക്ക് സസ്പെന്ഷന്. നഗരസഭ സെക്രട്ടറിയടക്കം നാല് ഉദ്യോഗസ്ഥരെയാണ് സസ്പെന്ഡ് ചെയ്തത്. സെക്രട്ടറി കെ. എം ഗിരീഷ്, അസിസ്റ്റന്ഡ് എന്ജിനീയര് കെ. കലേഷ്, ഓവര്സിയര്മാരായ ടി.എ അഗസ്റ്റിന്, ബി. സുധീര് എന്നിവരെ അന്വേഷണ വിധേയമായി സസ്പെന്ഡ് ചെയ്തത്.
ആന്തൂരിലേത് ഒറ്റപ്പെട്ട സംഭവമായാണ് സര്ക്കാര് കാണുന്നതെന്ന് മന്ത്രി എ.സി മൊയ്തീന് തിരുവനന്തപുരത്ത് പറഞ്ഞു. കുറ്റം തെളിഞ്ഞാല് കര്ശന നടപടിയുണ്ടാകുമെന്ന് മന്ത്രി അറിയിച്ചു. നഗരസഭ അധ്യക്ഷയുടെ ഭാഗത്ത് വീഴ്ചയുണ്ടായിട്ടില്ലെന്നാണ് സര്ക്കാര് കരുതുന്നത്. സാജന്റെ ഭാര്യ ആവശ്യപ്പെട്ടാല് പോലീസ് അന്വേഷിക്കാന് തയാറാണെന്നും മന്ത്രി പറഞ്ഞു.
നേരത്തെ ആന്തൂര് നഗരസഭയിലെ ഉന്നത ഉദ്യോഗസ്ഥരെ മന്ത്രി തിരുവനന്തപുരത്തേക്ക് വിളിച്ചുവരുത്തിയിരുന്നു. കൂടിക്കാഴ്ചയില് നഗരസഭ ഉദ്യോഗസ്ഥരെ മന്ത്രി ശാസിക്കുകയും ചെയ്തു. ഉദ്യോഗസ്ഥരുടെ വിശദീകരണം തൃപ്തികരമല്ലെന്നും ചീഫ് ടൗണ് പ്ലാനിംഗ് വിജിലന്സിനോട് ഒരാഴ്ചയ്ക്കകം റിപ്പോര്ട്ട് നല്കാനും മന്ത്രി നിര്ദേശിച്ചു.
അതിനിടെ ആന്തൂര് മുനിസിപ്പാലിറ്റി ചെയര്പേഴ്സണ് പി.കെ. ശ്യാമളയ്ക്കെതിരെയും പ്രതിഷേധം ശക്തമായിട്ടുണ്ട്. അവര്ക്കെതിരെ ആരോപണങ്ങളുമായി നിരവധി പേര് രംഗത്തെത്തിയിട്ടുണ്ട്.
