അഞ്ചല്: നായശല്യത്തെപ്പറ്റി പരാതിപ്പെട്ട വീട്ടമ്മയെ ക്രൂരമായി മര്ദ്ദിച്ച സിപിഎം നേതാവ് അറസ്റ്റില്. അഞ്ചല് സര്വീസ് സഹകരണ ബാങ്ക് ഡയറക്ടര് ബോര്ഡ് അംഗവും പനയഞ്ചേരി സ്വദേശിയുമായ ബിനുദയന് ആണ് അറസ്റ്റിലായത്. അയല്ക്കാരിയായ വീട്ടമ്മയെ തല്ലിച്ചതച്ച ഇയാളെ നാട്ടുകാര് പിടികൂടി പൊലീസില് ഏല്പിക്കുകയായിരുന്നു. മര്ദനമേറ്റ പനയഞ്ചേരി കൃഷ്ണാലയത്തില് രജനി വിക്രമന് സ്വകാര്യ ആശുപത്രിയില് ചികിത്സയിലാണ്.
മര്ദിച്ച് അവശയാക്കി നിലത്തിട്ടു വലിച്ചിഴച്ചതായും വീട്ടമ്മ പറഞ്ഞു. കാല്മുട്ടിനും കൈമുട്ടിനും പരിക്കേറ്റു. വീട്ടമ്മയുടെ മൊഴിയെടുത്തശേഷം പോലീസ് ബിനുദയനെ അറസ്റ്റ് ചെയ്തു. രജനി വിക്രമനെ പോലീസ് പുനലൂര് താലൂക്കാശുപത്രിയില് പ്രവേശിപ്പിച്ചു. കഴിഞ്ഞ ദിവസം വൈകീട്ട് ആറുമണിയോടെയാണ് സംഭവം. ബിനുദയന്റെ വീട്ടിലെ നായ തന്റെ മകളെ കടിക്കാന് ശ്രമിച്ചതും കുട്ടികളുടെ ചെരിപ്പുംമറ്റും കടിച്ചുകൊണ്ടുപോയി നശിപ്പിക്കുന്നതും ചോദ്യംചെയ്തതിനാണ് മര്ദിച്ചതെന്ന് രജനി പോലീസില് നല്കിയ പരാതിയില് പറയുന്നു.
