ന്യൂദല്ഹി: പാര്ലമെന്റിന്റെ സെന്ട്രല് ഹാളില് രണ്ടാം മോദി സര്ക്കാരിന്റെ നയ പ്രഖ്യാപന പ്രസംഗം രാഷ്ട്രപതി രാംനാഥ് കോവിന്ദ് തുടങ്ങി. ഇരുസഭകളുടെയും സംയുക്ത സമ്മേളനത്തില് രാഷ്ട്രപതി നയപ്രഖ്യാപന പ്രസംഗം അവതരിപ്പിക്കുന്നത്.
രണ്ടാം നരേന്ദ്രമോദി സര്ക്കാരിന്റെ ആദ്യ നയപ്രഖ്യാപന പ്രസംഗം ആയതിനാല് അടുത്ത അഞ്ചുവര്ഷത്തെ നയങ്ങളിലും വികസന വീക്ഷണത്തിലും ഊന്നിയാകും രാഷ്ട്രപതി രാംനാഥ് കോവിന്ദിന്റെ നയപ്രഖ്യാപന പ്രസംഗമെന്ന് കരുതുന്നത്. തുടര്ന്ന് നയപ്രഖ്യാപനത്തിനുള്ള നന്ദിപ്രമേയ ചര്ച്ചകളും നടക്കും. അതിനുശേഷം പ്രധാനമന്ത്രി നരേന്ദ്രമോദി നയപ്രഖ്യാപനത്തിനുള്ള മറുപടി പ്രസംഗം നടത്തും.
പ്രധാനമന്ത്രി നരേന്ദ്രമോദി, ലോക്സഭ പ്രതിപക്ഷ കക്ഷി നേതാവ് അധിര് രഞ്ജന് ചൗധരി, ലോക്സഭ സ്പീക്കര് ഓം ബിര്ള എന്നിവര് ചേര്ന്നാണ് രാഷ്ട്രപതി രാംനാഥ് കോവിന്ദിനെ പാര്ലമെന്റിന്റെ സെന്ട്രല് ഹാളിലേക്ക് ആനയിച്ചത്.
ജൂലൈ 5ന് ധനമന്ത്രി നിര്മല സീതാരാമന് ബജറ്റ് അവതരിപ്പിക്കും. തെരഞ്ഞെടുപ്പിനു മുമ്പ് അവതരിപ്പിച്ചത് വോട്ട് ഓണ് അക്കൗണ്ടായതിനാല് പൂര്ണ ബജറ്റാണ് അവതരിപ്പിക്കുന്നത്. മുത്തലാഖ്, പൗരത്വ ഭേദഗതി, ആധാര്, ഇന്ത്യന് മെഡിക്കല് കൗണ്സില് എന്നിവയടക്കമുള്ള പ്രധാന ബില്ലുകളടക്കം ഒട്ടേറെ നിയമനിര്മ്മാണങ്ങള് ഈ സമ്മേളനത്തില് സര്ക്കാര് ലക്ഷ്യം വയ്ക്കുന്നുണ്ട്. ജൂണ് 17ന് ആരംഭിക്കുന്ന ലോക്സഭയുടെ ആദ്യസമ്മേളനം ജൂലൈ 26 വരെ നടക്കുക.
