ദുബായ്: കേന്ദ്ര വിദേശകാര്യ സഹമന്ത്രി വി. മുരളീധരന് ഇന്ന് ദുബായ് സന്ദര്ശിക്കും. ഇന്ന് രാവിലെ ദുബായ് താജ് ഹോട്ടലില് ഇന്ത്യന് ബിസിനസ് ആന്ഡ് പ്രൊഫഷണല് കൗണ്സില് ഒരുക്കുന്ന മുഖാമുഖം പരിപാടിയില് പങ്കെടുക്കുന്നതിനായാണ് കേന്ദ്രമന്ത്രി ദുബായിയില് എത്തുന്നത്.
തുടര്ന്ന് 11.30-ന് ദുബായ് ഇന്ത്യന് കോണ്സുലേറ്റ് ഓഡിറ്റോറിയത്തില് കേന്ദ്രമന്ത്രിക്ക് പൗരസ്വീകരണവും സംഘടിപ്പിച്ചിട്ടുണ്ട്. യുഎഇയിലെ വിവിധ പ്രവാസി സംഘടനാ നേതാക്കള് ചടങ്ങില് സംബന്ധിക്കും.
സന്ദര്ശനവേളയില് ദുബായിയിലെ ഒരു ലേബര് ക്യാമ്പും കേന്ദ്രമന്ത്രി സന്ദര്ശിക്കും. വിദേശകാര്യ വകുപ്പിന്റെ ചുമതല ഏറ്റെടുത്തശേഷം വി. മുരളീധരന് പങ്കെടുക്കുന്ന യുഎഇയിലെ ആദ്യ പൊതു പരിപാടിയാണ് ഇത്. രണ്ടു ദിവസത്തെ നൈജീരിയ സന്ദര്ശനത്തിന് ശേഷമാണ് അദ്ദേഹം ദുബായിയില് എത്തുന്നത്.
