ന്യൂദല്ഹി : വിനോദ സഞ്ചാരികളെ ആകര്ഷിക്കാന് ലക്ഷ്യമിട്ട് ഐആര്സിടിസി പുതിയ പാക്കേജുകള് പ്രഖ്യാപിച്ചു. ആറ് രാത്രിയും ഏഴ് പകലുമുള്ള ടൂര് പാക്കേജാണ് ഐആര്സിടിസി പ്രഖ്യാപിച്ചിരിക്കുന്നത്. മധുര, രാമേശ്വരം, കന്യാകുമാരി എന്നീ പുണ്യസ്ഥലങ്ങൾ സന്ദർശിക്കാൻ 14790 മുതലുള്ള പാക്കേജുകള് ലഭ്യമാണ്.
തേര്ഡ് എസി, സ്ലീപ്പര് ക്ലാസ്സുകളാണ് ഇതില് ലഭ്യമാക്കുന്നത്. എട്ട് സീറ്റാണ് ഇതില് ലഭ്യമാക്കുന്നത്. തേര്ഡ് എസി, സ്ലീപ്പര് ഇതില് ഏത് വേണമെന്ന് യാത്രക്കാര്ക്ക് ഇഷ്ടാനുസരണം തെരഞ്ഞെടുക്കാവുന്നതാണ്.
2019 ഏപ്രില് മുതല് 2020 മാര്ച്ച് വരെയാണ് ഐആര്സിടിസി ഈ പാക്കേജ് നിശ്ചയിച്ചിരിക്കുന്നത്. ആളുകളുടെ എണ്ണത്തിന് അനുസരിച്ചാണ് യാത്രാ നിരക്ക് നിശ്ചയിക്കുന്നത്. സ്ഥലങ്ങള് കാണാനും ഈ പാക്കേജില് അവസരം നല്കുന്നുണ്ട്.
രാമേശ്വരം കന്യാകുമാരി എന്നിവിടങ്ങളില് സഞ്ചരിക്കാനാണ് പാക്കേജിന്റെ നാലാം ദിവസവും, അഞ്ചാം ദിനവും അവസരം നല്കുന്നത്. കൂടാതെ സ്ഥലം, താമസം, ഭക്ഷണം തുടങ്ങിയ എല്ലാ സൗകര്യങ്ങളും ഈ പാക്കേജില് ലഭ്യമാക്കും. കൂടാതെ തിരിച്ച് യാത്ര തുടങ്ങിയ സ്ഥലത്തുതന്നെ യാത്രക്കാരെ എത്തിക്കുകയും ചെയ്യുന്നതാണ് പാക്കേജ്.
അതേസമയം ട്രെയിന് നിരക്കുകളില് എന്തെങ്കിലും മാറ്റം വരുകയാണെങ്കില് അത് യാത്രക്കാര് വഹിക്കണം കൂടാതെ ലോണ്ട്രി, മിനറല് വാട്ടര് തുടങ്ങിയ ചെലവുകള് ഈ ചാര്ജില് ഉള്പ്പെടുന്നതല്ല.
