കാബൂള് : അമേരിക്കന് സന്നദ്ധ സംഘടനയായ കൗണ്ടര്പാര്ട് ഇന്റര്നാഷണലിന്റെ കാബൂളിലെ ആസ്ഥാനത്ത് ഭീകരരുടെ സ്ഫോടനത്തില് അഞ്ച് പേര് കൊല്ലപ്പെട്ടു. 24 പേര്ക്ക് പരിക്ക്. ഭീകരാക്രമണത്തിന്റെ ഉത്തരവാദിത്തം ഏറ്റെടുക്കുന്നതായി താലിബാന് വ ക്താവ് സബിയുള്ള മുജാഹിദ് അറിയിച്ചു.
അഞ്ച് ഭീകരരും ആക്രമണത്തില് കൊല്ലപ്പെട്ടെന്നും റിപ്പോര്ട്ടുണ്ട്. ഭീകരാക്രമണത്തെ തുടര്ന്ന് കെട്ടിടത്തില് നിന്ന് 200ല് ഏറെ ജീവനക്കാരെ ഒഴിപ്പിച്ചു. അതേസമയം അമേരിക്കന് സംഘടനുടെ കെട്ടിടത്തിന് സമീപത്തു നിന്നും സ്ഫോടക വസ്തുക്കള് നിറച്ച ഒരു വാഹനം കണ്ടെത്തി. അത് നിര്വീര്യമാക്കുന്നതിനുള്ള നടപടികള് നടന്നുവരികയാണ്.
