ന്യൂദല്ഹി: യുവതാരം ഋഷഭ് പന്തിന്റെ അര്ധസെഞ്ചുറിയുടെ മികവില് ദല്ഹി ക്യാപിറ്റല്സിന് ഐപിഎല്ലിലെ അവസാന ലീഗ് മത്സരത്തില് ജയം. രാജസ്ഥാന് റോയല്സിനെ അവര് അഞ്ചു വിക്കറ്റിന് തോല്പ്പിച്ചു. ഇതോടെ ദല്ഹി പതിനാല് മത്സരങ്ങളില് പതിനെട്ട് പോയിന്റുമായി രണ്ടാം സ്ഥാനത്തെത്തി. അതേസമയം രാജസ്ഥാന് റോയല്സ് പ്ലേഓഫ് കാണാതെ പുറത്തായി. പതിനാല് മത്സരങ്ങളില് പതിനൊന്ന് പോയിന്റുള്ള രാജസ്ഥാന് ആറാം സ്ഥാനത്താണ്.
രാജസ്ഥാന് റോയല്സ് മുന്നോട്ടുവച്ച 116 റണ്സ് വിജയലക്ഷ്യം ദല്ഹി ക്യാപിറ്റല്സ് 16.1 ഓവറില് അഞ്ചു വിക്കറ്റുകളുടെ നഷ്ടത്തില് മറികടന്നു. സ്കോര്: രാജസ്ഥാന് ഒമ്പതിന് 115, ദല്ഹി 16.1 ഓവറില് അഞ്ചിന് 121.
ഋഷഭ് പന്ത് 53 റണ്സുമായി കീഴടങ്ങാതെ നിന്നു. നേരിട്ട 38 പന്തില് അഞ്ചെണ്ണം സിക്സര് അടിച്ചു. രണ്ട് പന്ത് ബൗണ്ടറി കടത്തി. 28 റണ്സിന് രണ്ട് വിക്കറ്റുകള് നഷ്ടമായതോടെ തകര്ച്ചയിലേക്ക് നീങ്ങിയ ദല്ഹിയെ പന്താണ് വിജയത്തിലേക്ക് ഉയര്ത്തിക്കൊണ്ടുവന്നത്. ഓപ്പണര്മാരായ പൃഥ്വി ഷാ എട്ട് റണ്സിനും ശിഖര് ധവാന് പതിനാറ് റണ്സിനും വീണു. ക്യാപ്റ്റന് ശ്രേയസ് അയ്യര് ഒമ്പത് പന്തില് രണ്ട് ഫോറുകളുടെ അകമ്പടിയില് പതിനഞ്ച് റണ്സ്് കുറിച്ച് മടങ്ങി.
ബാറ്റിങ്ങ് തെരഞ്ഞെടുത്ത രാജസ്ഥാന് തുടക്കം മുതല് തകര്ന്നു. ആറു വിക്കറ്റുകള് 57 റണ്സിന് നഷ്ടമായി. മധ്യനിരക്കാരനായ യുവതാരം റിയാന് പരാഗിന്റെ അര്ധ സെഞ്ചുറിയാണ് രാജസ്ഥാന്റെ സ്കോര് നൂറ് കടത്തിയത്. പരാഗ് 49 പന്തില് 50 റണ്സുമായി മടങ്ങി. നാല് ഫോറും രണ്ട് സിക്സറും അടിച്ചു. പരാഗിന് പുറമെ ലിവിങ്സ്റ്റോണും (14), ശ്രയസ് ഗോപാലും (12) മാത്രമാണ് രണ്ടക്കം കടന്നത്. സ്മിത്തിന് പകരം ടീമിനെ നയിച്ച രഹാനെ രണ്ട് റണ്സിനും മലയാളിതാരം സഞ്ജു സാംസണ് അഞ്ച് റണ്സിനും പുറത്തായി.
ദല്ഹിയുടെ ലെഗ് സ്പിന്നര് അമിത് മിശ്രയും പേസര് ഇഷാന്ത് ശര്മയുമാണ് രാജസ്ഥാനെ തകര്ത്തത്. മിശ്ര നാല് ഓവറില് 17 റണ്സിന് മൂന്ന് വിക്കറ്റ് വീഴ്ത്തി. ഇഷാന്ത് ശര്മയും മൂന്ന് പേരെ വീഴ്ത്തി. നാല് ഓവറില് 38 റണ്സാണ് വിട്ടുനല്കിയത്. ട്രെന്റ്് ബോള്ട്ട് നാല് ഓവറില് 27 റണ്സിന് രണ്ട് വിക്കറ്റ് എടുത്തു.
സ്കോര്ബോര്ഡ്
രാജസ്ഥാന് റോയല്സ്: അജിങ്ക്യ രഹാനെ സി ധവാന് ബി ശര്മ 2, ലിയാം ലിവിങ്സ്റ്റോണ് ബി ശര്മ 14, സാംസണ് റണ്ഔട്ട് (ഷാ) 5, ലോംറോര് സി പന്ത് ബി ശര്മ 8, ഗോപാല് (സ്റ്റ)പന്ത് ബി മിശ്ര 12, പരാഗ്(നോട്ടൗട്ട്) സി റൂതര്ഫോര്ഡ് ബി ബോള്ട്ട് 50, ബിന്നി സി പന്ത് ബി മിശ്ര പൂജ്യം, ഗൗതം സി ശര്മ ബി മിശ്ര 6, സോദി സി മിശ്ര ബി ബോള്ട്ട് 6, ആരോണ് നോട്ടൗട്ട് 3. എക്സ്ട്രാസ് 9
ആകെ ഇരുപതോവറില് ഒമ്പത് വിക്കറ്റിന് 115 റണ്സ്.
വിക്കറ്റ് വീഴ്ച: 1-11, 2-20,3-26, 4-30, 5-57, 6-57, 7-65, 8-95, 9-115
ബൗളിങ്: ടി.എ. ബോള്ട്ട് 4-0-27-2, ഇഷാന്ത് ശര്മ 4-0-38-3, എ്.ആര്. പട്ടേല് 4-0-16-0, എ. മിശ്ര 4-0-17-3, പോള് 3.1-0-15-0, റൂഥര്ഫോര്ഡ് 0.5- 0-2-0.
ദല്ഹി ക്യാപിറ്റല്സ്: പൃഥ്വി ഷാ ബി സോധി 8, എസ്. ധവാന് സി പരാഗ് ബി സോധി 16, എസ്.എസ്. അയ്യര് സി ലിവിങ്സ്റ്റോണ് ബി ഗോപാല് 15, ഋഷഭ് പന്ത് നോട്ടൗട്ട് 53, സി.എ. ഇന്ഗ്രാം സി രഹാനെ ബി സോധി 12, റൂഥര്ഫോര്ഡ് സി ലിവിങ്സ്റ്റോണ് ബി ഗോപാല് 11, എ.ആര്. പട്ടേല് നോട്ടൗട്ട്് 1, എക്സ്ട്രാസ് 5 ആകെ 16.1 ഓവറില് അഞ്ചു വിക്കറ്റിന് 121.
വിക്കറ്റ് വീഴ്ച: 1-28, 2-28, 3-61, 4-83, 5-106.
ബൗളിങ്: കെ. ഗൗതം 4-0-16-0, ആരോണ് 2-0-21-0, ഒ. തോമസ്് 1-0-13-0, സോധി 3.1-1-26-3, എ്സ്. ഗോപാല് 4-0-21-2, ആര്. പരാഗ് 1-0-14-0, ബിന്നി 1-0-6-0.
