മുംബൈ: അര്ശസ്സിന് മരുന്നു പുരട്ടാന് സ്ക്രൂഡ്രൈവര് ഉപയോഗിച്ച മരപ്പണിക്കാരന് കിട്ടിയത് എട്ടിന്റെ പണി. മരുന്നു പുരട്ടിയ ശേഷം സ്ക്രൂ ഡ്രൈവര് എടുത്തുമാറ്റാന് പോലും മിനക്കെടാതെ ഇയാള് സുഖനിദ്രയിലായി. ഉറക്കമുണര്ന്നപ്പോഴേക്കും എട്ടിഞ്ച് നീളമുള്ള സ്ക്രൂഡ്രൈവര് മലദ്വാരത്തിനകത്തേക്ക് കയറിപ്പോയിരുന്നു. രണ്ടുനാള് കഴിഞ്ഞ്, ശസ്ത്രക്രിയയില്ലാതെ എന്ഡോസ്കോപ്പിയിലൂടെ ഏറെപണിപ്പെട്ടാണ് പറേലിലെ ഗ്ലോബല് ആശുപത്രയിലെ വിദഗ്ധര് ‘ആയുധം’ പുറത്തെടുത്തത്.
അടുത്തയിടെയായി ഇയാളെ അര്ശസ്സ് വല്ലാതെ അലട്ടിയിരുന്നു. ജോലിസ്ഥലത്തിനടുത്തുള്ള ഒരു ഡോക്ടര് പുറമേ പുരട്ടാനായി ഒരു ജെല് കുറിച്ചു കൊടുത്തു. ജെല്ലിനൊപ്പം പുരട്ടാനുള്ള ഒരു പ്ലാസ്റ്റിക് ഉപകരണമുണ്ടായിരുന്നെങ്കിലും മരപ്പണിക്കാരനായതിനാല് ഇയാള് ഉപയോഗിച്ചത് സ്ക്രൂഡ്രൈവര്. മരുന്നു പുരട്ടി സുഖമായി ഉറങ്ങി. നേരം വെളുത്തപ്പോഴാണ് അത് മലദ്വാരത്തിനകത്തേക്ക് കയറിപ്പോയത് അറിയുന്നത്. നാണക്കേടുകൊണ്ട്് ആരുടെയും സഹായം ആവശ്യപ്പെട്ടില്ല. ആരോടും പറഞ്ഞതുമില്ല.
വേദന കലശലായതോടെ ഇയാള് താനെയിലും മുളുന്ദിലുമുള്ള രണ്ട് ഡോക്ടര്മാരെ സമീപിച്ചു. അവര് ശസ്ത്രക്രിയക്കായി ഗ്ലോബല് ആശുപത്രിയിലേക്ക് അയച്ചു. സ്ക്രൂഡ്രൈവര് പുറത്തെടുക്കാന് പത്തു മിനിറ്റേ വേണ്ടിവന്നുള്ളൂ എങ്കിലും അതിന്റെ മൂര്ച്ചയുള്ള അരികുകള് വന്കുടലില് തട്ടാതെ പുറത്തെടുക്കുക ഏറെ ശ്രമകരമായിരുന്നുവെന്ന് ഗ്യാസ്ട്രോ എന്ററോളജിസ്റ്റ് ഗൗരവ് പാട്ടീല് പറയുന്നു.
സ്ക്രൂഡ്രൈവര് മലദ്വാരത്തില് നിന്ന് 12 സെ. മീറ്റര് അകത്തോട്ട് കയറിപ്പോയിരുന്നു. ഇതിന് സമാന്തരമായി മറ്റൊരു ലൂപ്പ് അകത്തോട്ട് കയറ്റിയാണ് പുറത്തെടുത്തത്. മലദ്വാരത്തിനകത്ത് ചെറിയ മുറിവുകളുണ്ടങ്കെിലും പേരുവെളിപ്പെടുത്താത്ത ‘രോഗി’ സുഖമായിരിക്കുന്നുവെന്ന് വീട്ടുകാര് പറഞ്ഞു.
