മുംബൈ: ഐപിഎല്ലില് ബെംഗളൂരു റോയല് ചലഞ്ചേഴ്സിന് ഏഴാം തോല്വി സമ്മാനിച്ചത് ശ്രീലങ്കന് സൂപ്പര് ബൗളര് ലസിത് മാലിംഗയുടെ നാല് വിക്കറ്റ് പ്രകടനം. ഐപിഎല്ലിലേക്ക് മികച്ച തിരിച്ചുവരവ് നടത്തിയ മലിംഗ നാല് വിക്കറ്റ് നേടിയതോടെയാണ് ബെംഗളൂരു സ്കോര് 171ല് ഒതുങ്ങിയത്. മൊയീന് അലി, മാര്കസ് സ്റ്റോയിനിസ്, അക്ഷ്ദീപ് നാഥ്, പവന് നേഗി എന്നിവരുടെ വിക്കറ്റുകള് വീഴ്ത്തിയ മലിംഗ ബെംഗളൂരുവിന്റെ മധ്യനിരയെ തകര്ത്തെറിഞ്ഞു. അവസാന ഓവറുകളില് തകര്ത്തടിച്ച ദക്ഷിണാഫ്രിക്കന് താരം എ.ബി. ഡിവില്ലിയേഴ്സും മലിംഗയുടെ അവസാന ഓവറില് വീണു. മലിംഗ എറിഞ്ഞ അവസാന ഓവറിലെ ആദ്യ പന്ത് സിക്സിന് പറത്തിയ ഡിവില്ലിയേഴ്സ് രണ്ടാം പന്തില് റണ്ഔട്ടായി. ഇതോടെയാണ് ബെംഗളൂരു പ്രതീക്ഷിചതില്നിന്നും പതിനഞ്ച് റണ്സ് പിന്നോട്ടുപോയത്.
നേരത്തെ ടോസ് നഷ്ടപ്പെട്ട് ബാറ്റിങ്ങിനിറങ്ങിയ ബെംഗളൂരു ഇരുപതോവറില് ഏഴു വിക്കറ്റിന് 171 റണ്സ് നേടി. മറുപടി ബാറ്റിങ്ങിനിറങ്ങിയ മുംബൈ പത്തൊമ്പതോവറില് അഞ്ച് വിക്കറ്റിന് 172 റണ്സ് നേടി.
ഡിവില്ലിയേഴ്സ് മൊയീന് അലി എന്നിവരുടെ അര്ധസെഞ്ചുറി ബലത്തിലാണ് ബെംഗളൂരു ഭേദപ്പെട്ട സ്കോറിലെത്തിയത്. ഡിവില്ലിയേഴ്സ് 51 പന്തില് നാല് സിക്സും ആറ് ഫോറും അടക്കം 75 റണ്സ് നേടി. മൊയീന് അലി 32 പന്തില് അഞ്ച് സിക്സും ഒരു ഫോറും അടക്കം 50 റണ്സ് നേടി. ഇരുവര്ക്കും പുറമെ ഓപ്പണര് പാര്ഥിവ് പട്ടേലാണ് ബെംഗളൂരു നിരയില് രണ്ടക്കം കണ്ടത്.
171 റണ്സ് വിജയലക്ഷ്യവുമായി കളത്തിലിറങ്ങിയ മുംബൈക്കായി മുന്നിര ഭേദപ്പെട്ട രീതിയില് ബാറ്റ് വീശി. ഓപ്പണര് ക്വിന്റണ് ഡി കോക്ക് (40), നായകന് രോഹിത് ശര്മ (28), സൂര്യകുമാര് യാദവ് (29), ഇഷാന് കിഷന് (21) എന്നിവര് റണ്സ് കണ്ടെത്തി. അവസാന ഓവറുകളില് ഓള്റൗണ്ടര് ഹാര്ദിക് പാണ്ഡ്യയുടെ കൂറ്റന് അടികളാണ് ടീമിനെ വിജയത്തിലെത്തിച്ചത്. പാണ്ഡ്യ 16 പന്തില് രണ്ട് സിക്സും അഞ്ച് ഫോറും അടക്കം 37 റണ്സ് നേടി. ബെംഗളൂരുവിനായി യുസ്വേന്ദ്ര ചാഹല്, മൊയീന് അലി എന്നിവര് രണ്ട് വിക്കറ്റ് വീഴ്ത്തി.
