ന്യൂദല്ഹി : തൊഴിലാളിയെ കൊലപ്പെടുത്തിയ കേസില് ശരവണ ഭവന് ഉടമ പി. രാജഗോപാലിന് ജീവപര്യന്തം വിധിച്ച മദ്രാസ് ഹൈക്കോടതി വിധി സുപ്രീംകോടതി ശരിവച്ചു. ജസ്റ്റിസ്. എന്.വി. രമണ്ണയുടെ അധ്യക്ഷതയിലുള്ള ബെഞ്ചാണ് മദ്രാസ് ഹൈക്കോടതി ഉത്തരവിനെ ചോദ്യം ചെയ്തുള്ള രാജഗോപാലിന്റെ ഹര്ജി തള്ളിശിക്ഷ ശരിവെച്ചത്.
ജൂലൈ 7 ന് മുമ്ബ് രാജഗോപാല് കീഴടങ്ങണം എന്ന് സുപ്രീം കോടതി ഉത്തരവില് പറയുന്നുണ്ട്. രാജഗോപാലിന് പുറമേ അഞ്ചുപേര് കൂടി കേസില് പ്രതികളാണെന്ന് കോടതി കണ്ടെത്തിയിട്ടുണ്ട്.
കേസില് ആദ്യം സെഷന്സ് കോടതി പത്ത് കൊല്ലം കഠിനതടവാണ് രാജഗോപാലിനും മറ്റ് പ്രതികള്ക്കും ആദ്യം വിധിച്ചത്. പിന്നീട് കേസ് പരിഗണിച്ച മദ്രാസ് ഹൈക്കോടതി അത് ജീവപര്യന്തമാക്കി മാറ്റുകയായിരുന്നു. ഇതിനെതിരെയാണ് പ്രതികള് സുപ്രീംകോടതിയെ സമീപിച്ചത്. 2001ലാണ് ഹോട്ടലിലെ ജീവനക്കാരന്റെ ഭാര്യയെ വിവാഹം കഴിക്കുന്നതിനായി ഇയാളെ കൊലപ്പെടുത്തിയത്.
