ന്യൂദല്ഹി: മഹുവ മൊയ്ത്രയും മുന് കാമുകനും തമ്മിലുള്ള നായ് പ്രശ്നം പരിഹരിക്കപ്പെട്ടില്ല. നിലവില് മുന് കാമുകന് ജയ് അനന്ത് ദെഹാദ്രായി സംരക്ഷിക്കുന്ന വളര്ത്തു നായയായ ഹെന്റിയെ കാണാന് അനുവദിക്കണമെന്ന് ആവശ്യപ്പെട്ട് തൃണമൂല് കോണ്ഗ്രസ് നേതാവ് മഹുവ മൊയ്ത്ര നല്കിയ ഹര്ജി ഒത്തുതീര്പ്പിലെത്താത്തതിനെ തുടര്ന്ന് കേസ് അടുത്ത ആഴ്ച പരിഗണിക്കുമെന്ന് ഡല്ഹി ഹൈക്കോടതി വ്യക്തമാക്കി.
നായയുടെ കാര്യത്തില് ഒരു ക്രമീകരണത്തിന് സമ്മതമാണോ എന്ന് കോടതി ജയ് അനന്തിന്റെ അഭിഭാഷകനോട് ആരുഞ്ഞു. ഇക്കാര്യത്തില് ഇരുപക്ഷത്തെയും വാദം കേട്ട് തീരുമാനമെടുക്കാമെന്ന് ബെഞ്ച് അറിയിച്ചു.
കുറച്ച് വര്ഷങ്ങളായി അഭിഭാഷകന് കൂടിയായ ജയ് അനന്ത് ദെഹാദ്രായിയും മഹുവ മൊയ്ത്രയും തമ്മില് വിവിധ വിഷയങ്ങളില് നിയമപോരാട്ടങ്ങള് നടക്കുകയാണ്.
പാര്ലമെന്റില് ചോദ്യങ്ങള് ചോദിക്കുന്നതിനായി വ്യവസായി ദര്ശന് ഹിരാനന്ദാനിയില് നിന്ന് മഹുവ മൊയ്ത്ര കൈക്കൂലി വാങ്ങിയെന്ന് ജയ് അനന്ത് ദെഹാദ്രായി നേരത്തെ ആരോപിച്ചിരുന്നു. ബിജെപി എംപി നിഷികാന്ത് ദുബെ ലോക്സഭാ സ്പീക്കര്ക്ക് ഇതേക്കുറിച്ച് പരാതി നല്കി. ആരോപണങ്ങളുടെ അടിസ്ഥാനത്തില് 2023 ഡിസംബര് 8 ന് അവരെ സഭയില് നിന്ന് പുറത്താക്കിയത് വലിയ വാര്ത്തയായിരുന്നു.
