കൊച്ചി: സക്ഷമയുടെ (സമദൃഷ്ടി ക്ഷമതാവികാസ് മണ്ഡല്) സംസ്ഥാന കാര്യാലയം കൊച്ചിയില് പ്രവര്ത്തനം തുടങ്ങി. ആര്എസ്എസ് പ്രാന്തസംഘചാലക് പി.ഇ.ബി. മേനോന് ഉദ്ഘാടനം ചെയ്തു.
പോരായ്മകള് മറന്ന് നിരാശയും ഭയവുമില്ലാതെ ക്ഷമതയില് വിശ്വാസമര്പ്പിച്ച് മുന്നേറാന് ഓരോരുത്തരും പ്രാപ്തരാകണം. സമൂഹത്തില് പാര്ശ്വവല്ക്കരിക്കപ്പെട്ടവരെ കണ്ടെത്തി അവരുടെ കഴിവുകള് തിരിച്ചറിഞ്ഞ് സമൂഹത്തിന്റെ മുന് നിരയിലെത്തിക്കുക, അവരുട പ്രശ്നങ്ങള് പരിഹരിക്കുക എന്നതാണ് സക്ഷമയുടെ ലക്ഷ്യം. രാഷ്ട്രസേവനത്തിന് രാഷ്ട്രീയ സ്വയംസേവകസംഘം നിരന്തരം പ്രവര്ത്തിച്ചുകൊണ്ടിരിക്കുകയാണെന്നും അതിന്റെ പ്രവര്ത്തനത്തില് ഒന്നാണ് സക്ഷമയെന്നും അദ്ദേഹം പറഞ്ഞു.
ദിവ്യാംഗ സേവാകേന്ദ്രത്തിന്റെ ഉദ്ഘാടനം സക്ഷമ അഖിലേന്ത്യാ പ്രസിഡന്റ് കാശിനാഥ് ലഘ്രാജ് ഉദ്ഘാടനം ചെയ്തു. ദിവ്യാംഗര്ക്ക് നല്കുന്ന ഉപകരണങ്ങളുടെ വിതരണ ഉദ്ഘാടനവും അദ്ദേഹം നിര്വ്വഹിച്ചു. ജില്ലാ അധ്യക്ഷന് പി. സുന്ദരം, കിറ്റ് ഏറ്റുവാങ്ങി. സംസ്ഥാന പ്രസിഡന്റ് ഡോ. എന്.ആര്. മേനോന് അധ്യക്ഷനായി. സംസ്ഥാന സെക്രട്ടറി ടി.എം. കൃഷ്ണകുമാര്, സംസ്ഥാന വര്ക്കിങ് പ്രസിഡന്റ് എന്. ഗോപകുമാര്, സഹകാര് ഭാരതി സംസ്ഥാന സംഘടനാ കാര്യദര്ശി കെ.ആര്. കണ്ണന്, എം. മോഹനന് സംസാരിച്ചു.
