തിരുവനന്തപുരം: ശബരിമലയില് മകര വിളക്ക് തെളിയിക്കുന്നതിനു മല അരയര്ക്ക് നഷ്ടപ്പെട്ട അവകാശം തിരികെ നല്കണമെന്ന് ഒ രാജഗോപാല് എംഎല്എ നിയമസഭയില് ആവശ്യപെട്ടു. ദേവസ്വം മന്ത്രിയുടെ ശ്രേദ്ധ ക്ഷണിച്ചുകൊണ്ടാണ് ഓ രാജഗോപാല് എം എല് എ സഭയില് വിഷയം ഉന്നയിച്ചത്. വിഷയത്തില് ഉചിതമായി നടപടി സ്വീകരിക്കുമെന്ന് ദേവസ്വം മന്ത്രി കടകംപള്ളി സുരേന്ദ്രന് സഭയില് പറഞ്ഞു
വര്ഷങ്ങളായി ഹിന്ദു ഐക്യവേദി അടക്കമുള്ള ഹൈന്ദവ സംഘടനകള് ഉയര്ത്തുന്ന ആവശ്യമാണ് ഇന്ന് നിയമസഭയില് ഉന്നയിക്കപ്പെട്ടത്. എന്നാല് മകരവിളക്കുമായി ബന്ധപ്പെട്ട രഹസ്യം പുറത്ത് വിടുന്നതില് നിയമമന്ത്രി എ.കെ ബാലന് ക്രമപ്രശ്നം ഉന്നയിച്ചു.എന്നാല് ശ്രദ്ധ ക്ഷണിക്കല് വഴി ഉണ്ടായത് ചരിത്ര പരമായ നാഴികക്കല്ലാണെന്നായിരുന്നു സ്പീക്കറുടെ പ്രതികരണം.
വിഷയം പരിഗണിക്കുമെന്നും പരിശോധിച്ച് ഉചിതമായ തീരുമാനമെടുക്കുമെന്നും മന്ത്രി കടകം പള്ളി മറുപടി പറഞ്ഞു.അതേ സമയം ,മകരജ്യോതിയും, മകരവിളക്കും ,രണ്ടും രണ്ടാണെന്നും, തെറ്റിദ്ധരിപ്പിക്കാന് ശ്രമിക്കരുതെന്നും എ.കെ ബാലനെ പി.സി ജോര്ജ്ജ് ഓര്മ്മിപ്പിച്ചു.
2012 ല് ഹിന്ദു ഐക്യവേദി തയ്യാറാക്കിയ ഹിന്ദു അവകാശ പത്രികയില് ഉള്പ്പെടൂത്തിയ ആവശ്യമായിരുന്നു ഇത്. അന്ന് ഹിന്ദു നേതാക്കള് മുഖ്യമന്ത്രിയായിരുന്ന ഉമ്മന് ചാണ്ടിയെ കണ്ട് നിവേദനം കൈമാറിയിരുന്നു.
