കൊച്ചി: സിപിഎം നേതാവ് സൈമണ് ബ്രിട്ടോയുടെ മരണത്തില് ദുരൂഹതയുണ്ടെന്ന് ഭാര്യ സീന ഭാസ്കര് ഒരു സ്വകാര്യചാനലിലെ അഭിമുഖത്തില് പറഞ്ഞു. മെഡിക്കല് സര്ട്ടിഫിക്കറ്റിലെ വിവരങ്ങളും തെറ്റായിരുന്നു. ബ്രിട്ടോ ഹൃദ്രോഗിയാണെന്നാണ് രേഖപ്പെടുത്തിയിരിക്കുന്നത്.
ബ്രിട്ടോയ്ക്ക് ഹൃദയ സംബന്ധമായ അസുഖങ്ങളൊന്നും ഉണ്ടായിരുന്നില്ല, പിന്നെ എങ്ങനെയാണ് റിപ്പോര്ട്ടില് അങ്ങനെ രേഖപ്പെടുത്തിയതെന്ന് അറിയണമെന്നും സീന പറഞ്ഞു. ബ്രിട്ടോയ്ക്ക് അവസാനനിമിഷങ്ങളില് കൃത്യമായ പരിചരണം കിട്ടിയില്ല. ബ്രിട്ടോയുടെ അന്ത്യനിമിഷങ്ങളെക്കുറിച്ച് പലരും പല രീതിയിലാണ് വിശദീകരിക്കുന്നത്.
ആശുപത്രിയിലേക്ക് കൊണ്ടുപോകും വഴിയാണ് മരിച്ചതെന്ന് ഡോക്ടര് പറഞ്ഞിരുന്നു. അസുഖം വന്നപ്പോള് ഓക്സിജന് സംവിധാനമുള്ള ആംബുലന്സ് ചോദിച്ചെങ്കിലും സാധാരണ ആംബുലന്സിലാണ് അദ്ദേഹത്തെ ആശുപത്രിയിലേക്ക് കൊണ്ടുപോയതെന്നും സീന ആരോപിച്ചു.
മരണം സംബന്ധിച്ച് വിവാദമുണ്ടാക്കാന് ആഗ്രഹിക്കുന്നില്ല. അവസാന ദിവസം എന്താണ് സംഭവിച്ചതെന്ന് തനിക്ക് അറിയണം. മരണത്തെക്കുറിച്ച് അന്വേഷണം വേണമെന്നാവശ്യപ്പെട്ട് അടുത്ത സുഹൃത്ത് കൂടിയായിരുന്ന ധനമന്ത്രി തോമസ് ഐസക്കിനെ കാണും. തളര്ന്ന ശരീരവുമായി മൂന്നര പതിറ്റാണ്ട് വീല്ചെയറില് ഇരുന്ന ബ്രിട്ടോ മരണത്തിന് കീഴടങ്ങിയത് തൃശൂരിലെ സ്വകാര്യ ആശുപത്രിയിലായിരുന്നു.
പ്രതികരിക്കാൻ ഇവിടെ എഴുതുക: