ഇസ്ലാമബാദ്:’ കോണ്‍ഗ്രസ് ഭരണകാലത്ത് ഇന്ത്യയുടെ നോട്ടുകള്‍ പാകിസ്ഥാനില്‍ അച്ചടിച്ചിരുന്നുവെന്ന് ധുരന്ധര്‍ എന്ന സിനിമയില്‍ കാണിക്കുന്നത് അക്ഷരാര്‍ത്ഥത്തില്‍ ശരിയാണെന്ന് പാക് തീവ്രവാദി മുഷ്താഖ് അഹമ്മദ് ഭട്ട്. അദ്ദേഹം ഒരു യൂട്യൂബ് ചാനലിന് നല്‍കിയ അഭിമുഖത്തിലാണ് മുഷ്താഖ് അഹമ്മദ് ഭട്ട് ഈ വെളിപ്പെടുത്തല്‍ നടത്തിയത്.
പാകിസ്ഥാന്റെ രഹസ്യ ചാരസംഘടനയായ ഐഎസ് ഐയുടെ പ്രസ്സിലാണ് ഇന്ത്യന്‍ നോട്ടുകള്‍ പ്രിന്‍റ് ചെയ്തിരുന്നതെന്നും അതിന് ചുക്കാന്‍ പിടിച്ചിരുന്നത് ഖനാനി ബ്രദേഴ്സ് ആയിരുന്നുവെന്നും ധുരന്ധര്‍ സിനിമയില്‍ പറഞ്ഞത് ശരിയാണ്.
അന്ന് അച്ചടിച്ച ഇന്ത്യയുടെ കള്ളനോട്ടുകളില്‍ പാതിയും താനാണ് അന്ന് തെക്കന്‍ കശ്മീരില്‍ കൊണ്ട് വിതരണം ചെയ്തിരുന്നതെന്നും പാക് തീവ്രവാദി മുഷ്താഖ് അഹമ്മദ് ഭട്ട് പറഞ്ഞു. കള്ളനോട്ടുകളിലൂടെ ഇന്ത്യയെ തകര്‍ക്കുകയായിരുന്നു ചൈനയുടെ ലക്ഷ്യമെന്നാണ് ധുരന്ധര്‍ സിനിമ പറയുന്നത്. ഇതിന് കോണ്‍ഗ്രസിന്റെ കേന്ദ്രമന്ത്രിമാര്‍ കൂട്ടുനില്‍ക്കുകയും ചെയ്തിരുന്നുവെന്നും ധുരന്ധര്‍ സിനിമ പറഞ്ഞിരുന്നു.
