മലയാള സിനിമയുടെ മെഗാസ്റ്റാർ മമ്മൂട്ടിയും തെന്നിന്ത്യൻ ലേഡി സൂപ്പർസ്റ്റാർ നയൻതാരയുടെ ഇരട്ടക്കുട്ടികളായ ഉയിരും ഉലകും ഒന്നിച്ചുള്ള ചിത്രമാണിപോൾ സോഷ്യൽ മീഡിയയിൽ വലിയ വൈറലായിക്കൊണ്ടിരിക്കുന്നത്. നയൻതാരയുടെ ഭർത്താവും സംവിധായകനുമായ വിഘ്നേഷ് ശിവനാണ് ഇൻസ്റ്റാഗ്രാമിലൂടെ ഈ കാൻഡിഡ് ചിത്രം പങ്കുവച്ചത്.പിന്നാലെ ഈ ക്യൂട്ട് ചിത്രം മമ്മൂട്ടി കമ്പനിയുടെ ഔദ്യോഗിക സോഷ്യൽ മീഡിയ പേജുകളിലും പ്രത്യക്ഷപ്പെട്ടു.
പാട്രിയേറ്റ്’ സിനിമയുടെ ഡബ്ബിങിനായി മമ്മൂട്ടി ചെന്നൈയിൽ എത്തിയപ്പോൾ എടുത്ത ചിത്രമാണിത്. ലിസിയുടെ സ്റ്റുഡിയോയിൽ വച്ച് നടന്ന ഡബ്ബിങിന് നയൻതാരയും കുടുംബസമേതം എത്തിയിരുന്നു. അന്ന് പകർത്തിയ രസകരമായ നിമിഷമാണ് വിഘ്നേഷ് ഇപ്പോൾ പ്രേക്ഷകർക്കായി പങ്കുവച്ചത്.
ലൈറ്റ് ബ്ലൂ ഷർട്ടും ട്രൗസറുമണിഞ്ഞ് അതീവ സ്റ്റൈലിഷ് ലുക്കിലുള്ള മമ്മൂക്ക, കുരുന്നുകളോട് ചിരിച്ചുകൊണ്ട് വിശേഷങ്ങൾ ചോദിക്കുന്നതാണ് ഈ ചിത്രത്തിന്റെ പ്രധാന ആകർഷണം. ‘‘ചെറിയ ചിരികളും വലിയ സന്തോഷങ്ങളും, ഒപ്പം ഒരുപാട് സ്നേഹവും’’ എന്ന മനോഹരമായ അടിക്കുറിപ്പോടെയാണ് മമ്മൂട്ടി കമ്പനി ഈ ചിത്രം റീപോസ്റ്റ് ചെയ്തത്. മമ്മൂട്ടി, കുടുംബത്തിലെ ഒരംഗത്തെപ്പോലെ കുഞ്ഞുങ്ങളുമായി സമയം ചെലവഴിക്കുന്നത് കാണാൻ കഴിഞ്ഞതിന്റെ സന്തോഷത്തിലാണ് സിനിമാ ലോകം.
