തിരുവനന്തപുരം : സിപിഎം തിരുവനന്തപുരം ജില്ലാകമ്മിറ്റി ഓഫീസില് റെയ്ഡ് നടത്തിയതിന് മുന് ഡിസിപി ചചൈത്ര തെരേസ ജോണിനെതിരേയുള്ള അന്വേഷണ റിപ്പോര്ട്ട് മുഖ്യമന്ത്രി പിണറായി വിജയന് കൈമാറി. സംഭവത്തില് അന്വേഷണം നടത്തിയ എഡിജിപി മനോജ് എബ്രഹാം തിങ്കളാഴ്ചയാണ് അന്വേഷണ റിപ്പോര്ട്ട് ഡിജിപി ലോക്നാഥ് ബെഹ്റയ്ക്ക് കൈമാറിയത്.
ഇത് ശുപാര്ശകളൊന്നുമില്ലാതെ ബെഹ്റ മുഖ്യമന്ത്രിക്ക് അന്വേഷണ റിപ്പോര്ട്ട് കൈമാറിയിരിക്കുന്നത്. എന്നാല് തെരച്ചില് നടത്തിയ സംഭവത്തില് ചൈത്രയ്ക്ക് അല്പം കൂടി ജാഗ്രത പാലിക്കാമായിരുന്നുവെന്ന് എഡിജിപിയുടെ റിപ്പോര്ട്ടില് പറയുന്നുണ്ട്. തെരച്ചില് നടത്തിയതിനെ പിണറായി വിജയന് രൂക്ഷമായാണ് വിമര്ശിച്ചത്.
സംഭവത്തില് വിശദീകരണം അന്വേഷണ റിപ്പോര്ട്ട് നല്കാന് ആവശ്യപ്പെട്ടതും സിപിഎം ഓഫീസ് തെരച്ചില് നടത്തിയതിനു പിന്നാലെ ചൈത്രയെ ഡിസിപി ചുമതലയില് നിന്ന് മാറ്റിയത് നിയമസഭയിലും ഏറെ വിവാദമായിരുന്നു.
രാഷ്ട്രീയ പ്രവര്ത്തകരെ താഴ്ത്തിക്കെട്ടാന് സമൂഹത്തിന്റെ പലഭാഗങ്ങളിലും ശ്രമം നടന്നു വരുന്നുണ്ട്. അതിന്റെ ഭാഗമായാണ് സിപിഎം ഓഫീസിലെ ഈ സംഭവമെന്നും മുഖ്യമന്ത്രി ഇതിനോട് പ്രതികരിച്ചത്. കൂടാതെ പാര്ട്ടി ഓഫീസുകളില് പോലീസ് തെരച്ചില് നടത്താറില്ലെന്നും, ഇവ ജനാധിപത്യത്തിന്റെ ഭാഗമാണെന്നും മുഖ്യമന്ത്രി കൂട്ടിച്ചേര്ത്തു.
