ഓം അസ്യ ശ്രീഭൂതനാഥകവചസ്തോത്രമഹാമന്ത്രസ്യ ഭഗവാന് ദത്താത്രേയഋഷിഃ അനുഷ്ടുപ്ഛന്ദഃ ശ്രീഭൂതനാഥോ ദേവതാം ഓം പരായ ഗോപ്ത്രേ ബീജം നമ ഇതി ശക്തിഃ ഓം പരായഗോപ്ത്രേ നമേതി കീലകം മൂലേന ഷഡന്യാസംകൃത്വാലം ഇത്യാദി പഞ്ചാര്ച്ചനം കൃത്വാ ഭൂതേശഗായത്രീം ത്രിവാരം ജപ്ത്വാ ധ്യാനം കുര്യാല്
ഗായത്രി
ഓം ഭൂതനാഥായ വിദ്മഹേ ധര്മ്മരൂപായ ധീമഹി
തംനോ താര പ്രചോദയാത് ഇതി ഭൂതേശഗായത്രീ.
ധ്യാനം
കാലേശ്വോപരി സംസ്ഥിതം കലുഷവിദ്ധ്വംസം കലാവല്ലഭം
ശൂലാരിക്ഷുരികേഷുചാപമസിചര്മ്മം ശംഖമഷ്ടായുധം
ബിഭ്രാണാം കരപല്ലവാഷ്ടകദളേഷ്വാനന്ദരൂപം പരം
ഭൂതേശം പുരുഷോത്തമം കരുണയാ പൂര്ണം ഭജേ സന്തതം.
ശിരോ മേ പാതു ഭൂതേശോ കേശം കേശവനന്ദനഃ
ലലാടം മേ ലലാടാക്ഷോ ഭ്രുവൗ മേ പുണ്യദായകഃ
നയനേ കരുണാപൂര്ണനയനഃ പാതു സര്വദാ
നാസികം മേ സദാ പാതു വാസുദേവഃ സനാതനഃ
അധരോഷ്ഠേ സദാ പാതു മുസലീമധുസൂദനഃ
ദന്താനു മേ ദേവകീസൂനുഃ ജിഹ്വാം മേ ജാഹ്നവീധരഃ
ചിബുകേ മേ സദാ പാതു ശ്രീകണ്ഠപ്രിയനന്ദനഃ
കണ്ഠം മേ കംബുകണ്ഠശ്ച ബാഹു മേ ബലദായകഃ
ഉരഃസ്ഥലം ച മേ പാതു ഉരഗേശധരാത്മജഃ
സ്തനൗ മേ പാതു സര്വേശോ ഹൃദയം പാതു താരകഃ
ഉദരം മേ സദാ പാതു ശൂലാദ്യായുധമണ്ഡിതഃ
കടിം മേ ധര്മശാസ്താശ്ച ഗുഹ്യം മേ ഗുഹസോദരഃ
ഊരുദ്വയം സദാ പാതു ആര്യതാതോ മഹാമതിഃ
ജംഘായുഗ്മം ജഗന്നാഥഃ പാതു മേ ഭക്തവത്സലഃ
പാദൗ മേ മഹിഷീദര്പ്പമഥനഃ പാതു സര്വ്വദാ
നഖരാന് മേ സദാ പാതു ഖരഘ്നോ രഘുനന്ദനഃ
പുരോഭാഗം പുണ്യപൂര്ണാഃ പൃഷ്ഠഭാഗം വൃകാന്തകഃ
വാമഭാഗം വാമദേവോ ദക്ഷയാഗം ദയാനിധിഃ
ഗമനം മേ സദാ പാതു ഗരുഡധ്വജനന്ദനഃ
ഗഹനേ പാതുമാം നിത്യമാഖേടപ്രിയമാനസഃ
ജലേ മാം മത്സ്യമൂര്ത്തിശ്ച സ്ഥലേ മാം വാപരോ വിഭുഃ
വാതം മേ കടുശബ്ദശ്ച കഫം മേ പാതു സര്വ്വദാ
ജ്ഞാനം മേ താരകബ്രഹ്മ മാനം മേ നരകേസരീ
ഇച്ഛം മേ മഞ്ചജനനീ സ്ഥൈര്യം മേ ഗിരിനായകഃ
ധര്മ്മശാസ്താ സദാ പാതു സര്വാംഗം ഭക്തവത്സലഃ
ഭാര്യാം മേ ഭൈരവഃ പാതു പുത്രാന് മേ പുരുഷോത്തമഃ
പശുന് മേ പാതു ഗോപാലോ കൃഷീന് മേ ഭൂപതിപ്രിയഃ
ധനധാന്യശ്ച മേ പാതു ധനദസ്യ സഖാ വിഭൂഃ
സുപ്തേ പ്രമത്തേ ഗോവിന്ദോ വിഷമസ്തേ സതാംഗതിഃ
സത്യം ശൗചം ദയാദീന് മേ ഭൂതേശഃ പാതു സര്വദാ.
ഓം നമോ ഭഗവതേ ഭൂതേശ്വരായ പുരുഷോത്തമായ ശാന്തായ ഘോരായ ഉഗ്രായ ഉഗ്രതനയായ ശൂലചക്രശംഖചാപബാണക്ഷുരികാദ്യനേകായുധധ-രായ ചതുര്ദ്ദംഷ്ട്രായ കരാളായ മഹാവികൃതരൂപാ
യവല്ഗവല്ഗ ഏഹ്യേഹി ദേവദാനവഗന്ധര്വയക്ഷരാക്ഷസപ്രേതഭൂത പിശാചാപസ്മരാദീന് മഹാരോഗാദ്യനേകസങ്കടാദീന് മമ നാശയ നാശ യ മച്ഛത്രൂന് മന്ദസ ്മി
തേന വശീകുരു വശീകുരു ഓം പം രം യം ഹ്രീം ഹ്രാം വാപരായ കടുശബ്ദായ കാരണപുരുഷായ വീരഭദ്രായ ഘണ്ടാകര്ണായ ഹം ഹും ഫഡ് സ്വാഹ.
ഇത്യേതല് കവചം പുണ്യം ഭൂതനാഥസ്യ വൈ വിഭോ!
സര്വസങ്കടനാശശ്ച സര്വസൗഖ്യപ്രദായകം.
ഭൂതപ്രേതപിശാചാദീനുച്ചാടനമഹൗഷധം
കവചം കാമദം പുണ്യം ഭക്തിയോ യഃ പഠന്നേരഃ
കാരുണ്യാദ്ഭൂതനാഥസ്യ തസ്യ മുക്തിഃ കരേ സ്ഥിതാ
ഇഹലോകേ യഥാ സൗഖ്യം പരലോകേ ച തത്തഥാ
മന്ദവാരേ ശുചിഃ സ്നാത്വാ മുക്താഹാരോ ജിതേന്ദ്രിയഃ
പഠേദ്വിദ്വാന് പ്രയത്നേ ഗുരുവാക്യേന സംയുതഃ
സുസ്ഥിരം മാനസം ഭൂത്വാ ഭൂതേേശ ലയതി ധ്രുവം.
