കേളകം: യുവാവിന് വെടിയേറ്റ സംഭവത്തില് അന്വേഷണത്തിനിടെ ഒളിപ്പിച്ച നിലയില് തോക്ക് കണ്ടെത്തി. പാലുകാച്ചിയിലെ വിജനമായ പ്രദേശത്തെ കശുമാവിന് തോട്ടത്തില് ഒളിപ്പിച്ച നിലയിലായിരുന്നു തോക്കും തിരകളും. കേളകം എസ്ഐ അരുണ്ദാസിന്റെ നേതൃത്വത്തില് നടത്തിയ തെരച്ചിലിലാണ് തോക്ക് കണ്ടെത്തിയത്.
ഇക്കഴിഞ്ഞ രണ്ടാം തീയതി പാലുകാച്ചി സ്വദേശിയായ ബിജുവിന് കാലിന് വെടിയേറ്റ സംഭവമുണ്ടായിരുന്നു. ബിജു ഇപ്പോല് മംഗലാപുരത്തെ സ്വകാര്യ ആശുപത്രിയില് ചികിത്സയിലാണ്. നായാട്ടിന് പോയപ്പോള് അബദ്ധത്തില് വെടിയേറ്റതാണ് കാരണമത്രെ. ഇതിനിടയില് പാലുകാച്ചിയിലെ നാരുവേലില് തോമസ് എന്നയാള് ആത്മഹത്യ ചെയ്ത സംഭവവും ഉണ്ടായി. ഇരുവരും ചേര്ന്നാണ് നായാട്ടിന് പോയതെന്നാണ് പോലീസ് അന്വേഷണത്തില് വെളിപ്പെട്ടത്. ഈ സംഭവവുമായി ബന്ധപ്പെട്ട അന്വേഷണത്തിലാണ് ഇപ്പോള് തോക്ക് കണ്ടെത്തിയത്. തുടരന്വേഷണത്തിന്റെ ഭാഗമായി ഫോറന്സിക്ക് അടക്കമുള്ള ശാസ്ത്രീയ പരിശോധനകളും വെടിയേറ്റ യുവാവിന്റെ കൂടുതല് മൊഴിയെടുക്കലും നടക്കും.
പ്രതികരിക്കാൻ ഇവിടെ എഴുതുക: