തലശ്ശേരി: കെട്ടിട നിര്മ്മാണ അനുമതിക്കായി തദ്ദേശസ്വയംഭരണ സ്ഥാപനങ്ങളില് ഐബിപിഎംഎസ് എന്ന സോഫ്റ്റ്വെയര് നടപ്പാക്കാനുദ്ദേശിക്കുന്ന പദ്ധതിയില് നിന്നും സര്ക്കാര് പിന്മാറണമെന്നും പുതിയ സോഫ്റ്റ്വെയര് വന്കിട ഡ്രോയിങ്ങ് സോഫ്റ്റവെയര് കമ്പനികളെ വളര്ത്താന് മാത്രമേ സഹായിക്കുകയുള്ളൂ എന്നും ലൈസന്സ്ഡ് എന്ജിനിയേഴ്സ് ആന്ഡ് സൂപ്പര് വൈസേഴ്സ് ഫെഡറേഷന് (ലെന്സ് ഫെഡ്) ജില്ലാ കണ്വെന്ഷന് ആവശ്യപ്പെട്ടു. തലശ്ശേരി ടൗണ് ഹാളില് നടന്ന ചടങ്ങ് ജില്ലാ പഞ്ചായത്ത് പ്രസിഡന്റ് കെ.വി.സുമേഷ് ഉദ്ഘാടനം ചെയ്തു. ജില്ലാ പ്രസിഡന്റ് പി.വി.കനകരാജ് അധ്യക്ഷത വഹിച്ചു. കെ.സജിത്ത് കുമാര്, എ.സി.മധുസൂദനന്, സി.കെ. ഉമേശന്, കെ.സി.ചന്ദ്രി, ഡേവിഡ് ജോസഫ്, എ.കെ. രഗീഷ് ബാബു എന്നിവര് സംസാരിച്ചു. പ്രളയാനന്തര കേരളത്തിന്റെ പുനര്നിര്മ്മാണം എന്ന വിഷയത്തെക്കുറിച്ച് ടി.കെ.ദേവരാജ് ക്ലാസെടുത്തു.
സംഘടനാ സെഷന് സംസ്ഥാന ഖജാന്ജി സി.എസ്.വിനോദ് കുമാര് ഉദ്ഘാടനം ചെയ്തു. ടി.സി.വി.ദിനേഷ് കുമാര് മുഖ്യപ്രഭാഷണം നടത്തി. ഇ.പി.ഉണ്ണികൃഷ്ണന്, എ.കെ.ജയചന്ദ്രന്, എ.സി.മധുസൂദനന്, പി.പി.കിഷോര് കുമാര്, എം.പി.പദ്മനാഭന്, എന്.വി.പ്രഭാകരന്, കെ.കമലാക്ഷന്, ബിനു ജോര്ജ്ജ് തുടങ്ങിയവര് സംസാരിച്ചു.
