കണ്ണൂര്: ജില്ലയിലെ ആദ്യത്തെ എയ്ഡഡ് അഫിലിയേറ്റഡ് കോളേജായ ശ്രീ നാരായണ കോളജിന് നാഷണല് അസൈന്മെന്റ് ആന്റ് അക്രഡിറ്റേഷന് കൗണ്സില് (നാക്) എ ഗ്രേഡ് ലഭിച്ചു. നാല് പോയിന്റ് സ്കോറില് 3.04 പോയന്റോെടെ രണ്ടാം വട്ടമാണ് കോളേജ് എ ഗ്രേഡ് നിലനിര്ത്തുന്നത്. പാഠ്യവും പാഠ്യേതരവുമായ ഏഴ് മാനദണ്ഡങ്ങള് പരിശോധിച്ചാണ് നാഷണല് അസൈന്മെന്റ് ആന്റ് അക്രിഡിറ്റേഷന് കൗണ്സില് കോളേജുകളെ അഞ്ച് വര്ഷത്തിലൊരിക്കല് പരിശോധനയ്ക്ക് വിധേയമാക്കുന്നത്.
ഇതില് പ്രധാനമായത് പഠനം, ഗവേഷണം, എക്സ്റ്റന്ഷന്, വിദ്യാര്ത്ഥി ക്ഷേമം എന്നീ നാല് കാര്യങ്ങളാണ്. ഈ നാല് കാര്യങ്ങളില് മികച്ച പ്രവര്ത്തനം കാഴ്ചവെയ്ക്കുന്ന സ്ഥാപനങ്ങള്ക്കേ നാക് എ ഗ്രേഡ് നല്കാറുള്ളു. കഴിഞ്ഞ അഞ്ച് വര്ഷമായി പതിമൂന്ന് ബിരുദ കോഴ്സുകളിലും ആറ് ബിരുദാനന്തരബിരുദ കോഴ്സുകളിലും എണ്പത് ശതമാനത്തിന് മുകളിലായിരുന്നു വിജയശതമാനം. കോളേജിലെ അധ്യാപകരും വിദ്യാര്ഥികളും ഇരുനൂറോളം ഗവേഷണ പ്രബന്ധങ്ങള് അന്തര്ദേശീയ ജേര്ണലുകളില് പ്രസിദ്ധീകരിച്ചിരുന്നു. വാര്ത്താ സമ്മേളനത്തില് ഡോ.ശിവദാസന് തിരുമംഗലത്ത്, ഡോ എന്.സാജന്, അരയാക്കണ്ടി സന്തോഷ്, ടി.കെ.രാജേന്ദ്രന്, എം.കെ.വിനോദ് എന്നിവര് പങ്കെടുത്തു.
