കണ്ണൂര്: നോര്ത്ത് മലബാര് ചേമ്പര് ഓഫ് കൊമേഴ്സ് ഉത്തര കേരളത്തിലെ വ്യവസായികളേയും വ്യാപാരികളേയും ആദരിക്കുകയും പ്രോത്സാഹിപ്പിക്കുകയും ചെയ്യുന്നതിന്റെ ഭാഗമായി വര്ഷംതോറും നല്കി വരുന്ന വിവിധ അവാര്ഡുകള് പ്രഖ്യാപിച്ചു. മികച്ച വ്യവസായിയായി മാങ്ങാട്ടുപറമ്പ് ആസ്ഥാനമായി പ്രവര്ത്തിക്കുന്ന ഫീല്ഡെക്സ് ആഗ്രോ ഇന്ഡസ്ട്രീസ് ഉടമയായ എന്.പി.പ്രശാന്തിനേയും മികച്ച വ്യാപാരിയായി കണ്ണൂരിലെ ബെസ്റ്റ് എഞ്ചിനീയറിംഗ് ഉടമ കെ.കെ.പ്രദീപിനേയും തെരഞ്ഞെടുത്തതായി ചേമ്പര് ഭാരവാഹികള് വാര്ത്താ സമ്മേളനത്തില് അറിയിച്ചു. വ്യാവസായിക, സാമൂഹ്യ രംഗത്തെ സംഭാവനകളെ മുന്നിര്ത്തി നല്കുന്ന ലൈഫ് ടൈം അച്ചീവ്മെന്റ് അവാര്ഡിന് പിഡബ്ല്യുഡി കോണ്ട്രാക്ടറും ചട്ടഞ്ചാല് കണ്സ്ട്രക്ഷന്സ് ഗ്രൂപ്പ് ഉടമയുമായ മൊയ്തീന്കുട്ടി ഹാജിയേയും തെരഞ്ഞെടുത്തു. പ്രശ്തിപത്രവും ഫലകവും അടങ്ങുന്ന അവാര്ഡുകള് നാളെ രാവിലെ 10.30ന് ചേമ്പര് ഹാളില് നടക്കുന്ന ചടങ്ങില് കേരള വ്യവസായ വകുപ്പ് മന്ത്രി ഇ.പി.ജയരാജന് കൈമാറും. വാര്ത്താസമ്മേളനത്തില് ചേമ്പര് പ്രസിഡണ്ട് കെ.വിനോദ് നാരായണന്, ഓണററി സെക്രട്ടറി സഞ്ജയ് ആറാട്ട് പൂവാടന്, ജോയിന്റ് സെക്രട്ടറി ഹനീഷ്.കെ.വാണിയങ്കണ്ടി, ട്രഷറര് ഷമീം പുനത്തില് എന്നിവര് പങ്കെടുത്തു.
നോര്ത്ത് മലബാര് ചേമ്പര് ഓഫ് കൊമേഴ്സ് അവാര്ഡുകള് പ്രഖ്യാപിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.