കണ്ണൂര്: ഉത്തര മലബാറിലെ വികസനത്തിന് വേഗം കൂട്ടാന് ഉതകുന്ന ദേശീയപാത 66ന്റെ വികസന പ്രവര്ത്തികള് ഉടന് പൂര്ത്തീകരിക്കാനുള്ള നടപടികള് കൈക്കൊള്ളണമെന്ന് നോര്ത്ത് മലബാര് ചേമ്പര് ഓഫ് കൊമേഴ്സ് ഭാരവാഹികള് മന്ത്രി നിധിന് ഗഡ്കരിയോട് ആവശ്യപ്പെട്ടു. പ്രവര്ത്തി നടന്നുകൊണ്ടിരിക്കുന്ന കോഴിക്കോട്-കണ്ണൂര് ബൈപ്പാസ് റോഡിന്റെ നിര്മ്മാണം വേഗത്തിലാക്കുന്നതിന് ദേശീയ പാത അതോറിറ്റിയുടെ ഓഫീസ് കണ്ണൂരില് പുനഃസ്ഥാപിക്കുക, കണ്ണൂര് വിമാനത്താവളത്തിലേക്കുള്ള റോഡിന്റെ വികസനം, ഗ്രീന്ഫീല്ഡ് റോഡ് അടക്കമുള്ള പ്രവര്ത്തികള്ക്ക് മതിയായ ഫണ്ട് അനുവദിക്കുക, കണ്ണൂര് കൂര്ഗ് മൈസൂര് റോഡുകളുടെ വികസനത്തിനും അറ്റകുറ്റപ്പണികള്ക്കും ആവശ്യമായ തുക അനുവദിക്കുക, അഴീക്കല് പോര്ട്ടിനെ സാഗര്മാല പദ്ധതിയിലുള്പ്പെടുത്തി ആവശ്യമായ ഫണ്ട് അനുവദിക്കുക തുടങ്ങിയ ആവശ്യങ്ങളാണ് ചേമ്പര് നിധിന് ഗഡ്കരിയോട് ആവശ്യപ്പെട്ടു. നിവേദക സംഘത്തില് പ്രസിഡണ്ട് കെ.വിനോദ് നാരായണന്, മറ്റ് ഭാരവാഹികളായ അനീഷ് കെ.വാണിയങ്കണ്ടി, മഹേഷ്ചന്ദ്ര ബാലിക എന്നിവരും ഉണ്ടായിരുന്നു.
ദേശീയ പാത വികസനം ഉടന് പൂര്ത്തിയാക്കണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.