ന്യൂദല്ഹി: ‘ഐക്യത്തിന്റെ പ്രതിമ’ പ്രധാനമന്ത്രി നരേന്ദ്ര മോദി ഇന്ന് രാഷ്ട്രത്തിന് സമര്പ്പിക്കും. സര്ദാര് വല്ലഭഭായ് പട്ടേലിന്റെ 182 അടി ഉയരമുള്ള പ്രതിമയാണ് അദ്ദേഹത്തിന്റെ ജന്മവാര്ഷിക ദിനത്തില് ഗുജറാത്തിലെ നര്മദാ ജില്ലയിലുള്ള കെവാദിയ ഗ്രാമത്തില് ഉയരുക.
സമര്പ്പണച്ചടങ്ങില് പ്രധാനമന്ത്രിയും മറ്റ് വിശിഷ്ടാതിഥികളും മണ്ണും നര്മ്മദ നദിയിലെ ജലവും ഒരു കലശത്തിലാക്കും. തുടര്ന്ന് പ്രധാനമന്ത്രി പ്രതിമയില് പ്രതീകാത്മക അഭിഷേകം നടത്തും. പിന്നീട് അദ്ദേഹം ‘ഐക്യത്തിന്റെ മതില്’ ഉദ്ഘാടനം ചെയ്യും, ‘ഐക്യത്തിന്റെ പ്രതിമ’-യുടെ കാല്ച്ചുവട്ടില് പ്രത്യേക പൂജ നടത്തും.
മ്യൂസിയം, പ്രദര്ശനം, സന്ദര്ശന ഗ്യാലറി എന്നിവയും പ്രധാനമന്ത്രി സന്ദര്ശിക്കും. 153 അടി ഉയരത്തിലുള്ള ഈ ഗ്യാലറിക്ക് ഒരേസമയം 200 സന്ദര്ശകരെ ഉള്ക്കൊള്ളാം. സര്ദാര് സരോവര് അണക്കെട്ട്, അതിന്റെ സംഭരണി, സത്പുര, വിന്ധ്യാ മലനിരകള് എന്നിവ ഇവിടെ നിന്നാല് കാണാം.
