കണ്ണൂര്: ജില്ലാ പഞ്ചായത്ത് വൈസ് പ്രസിഡണ്ട് പി.പി.ദിവ്യക്കെതിരെ അപകീര്ത്തികരമായ സന്ദേശം പ്രചരിപ്പിച്ചയാള് അറസ്റ്റില്. യൂത്ത് കോണ്ഗ്രസ് നേതാവായ ഷമീര് മടക്കരയാണ് കണ്ണൂര് ജില്ലാ പഞ്ചായത്ത് വൈസ് പ്രസിഡണ്ട് പി.പി.ദിവ്യക്കെതിരെ അപകീര്ത്തികരമായ സന്ദേശം പ്രചരിപ്പിച്ചതിന് പിടിയിലായത്. വാട്സ്ആപ് ഗ്രൂപ്പ് വഴി ദിവ്യക്കെതിരെ കഴിഞ്ഞ ദിവസങ്ങളില് ഇയാള് അപകീര്ത്തികരമായ സന്ദേശങ്ങള് പ്രചരിപ്പിച്ചിരുന്നു. ഇത് പിന്നീട് വ്യാപകമായി സോഷ്യല്മീഡിയ വഴി പ്രചരിക്കുകയും ചെയ്തിരുന്നു. സംഭവത്തില് അന്വേഷണം ആവശ്യപ്പെട്ട് പി.പി.ദിവ്യ കേസ് രജിസ്റ്റര് ചെയ്തിരുന്നു. ഇതേത്തുടര്ന്ന് ഐടി ആക്റ്റ് ചുമത്തിയാണ് ഷമീറിനെ കണ്ണൂര് ടൗണ് എസ്ഐ ശ്രീജിത്ത് കൊടേരി ജാമ്യമില്ലാത്ത വകുപ്പാണ് ചുമത്തി അറസ്റ്റ് ചെയ്തത്. കോടതി ഇയാളെ റിമാന്റ് ചെയ്തു.
നിരവധി പേര് സന്ദേശം പ്രചരിപ്പിച്ച കേസില് പ്രതികളാണ്. പോലീസ് ഇവര്ക്കായുള്ള അന്വേഷണം നടത്തി വരികയാണ്. വ്യാജ വാട്സ്ആപ് ഗ്രൂപ്പില് നിന്നാണ് സന്ദേശത്തിന്റെ ഉറവിടമെന്ന് പോലീസ് കണ്ടെത്തിയതായറിയുന്നു.
