ന്യൂദല്ഹി: ശബരിമലയില് യുവതികള്ക്ക് പ്രവേശനം അനുവദിക്കുന്നത് സംബന്ധിച്ച കോടതിവിധിയില് അഞ്ചംഗ ഭരണഘടനാ ബഞ്ചിലെ വനിതാ അംഗം രേഖപ്പെടുത്തിയ വിയോജനക്കുറിപ്പ് ചരിത്രപരം. ജസ്റ്റീസ് ഇന്ദു മല്ഹോത്രയുടെ വിയോജനക്കുറിപ്പില് നിന്ന്:
– മതേതര ഭരണ വ്യവസ്ഥയില് ഒരു മതാനുശീലനം യുക്തിഭദ്രമോ ബുദ്ധിപൂര്വമോ എന്ന് കോടതിക്ക് നിശ്ചയിക്കാനാവില്ല.
– ഇന്ത്യയിലെ വ്യത്യസ്ത മത വിഭാഗങ്ങളുടെ ബഹു സാംസ്കാരിക സംവിധാനത്തില്, കോടതി മത അനുശീലനവും വിശ്വാസവും മാനിക്കണം. – മതാനുഷ്ഠാന കാര്യങ്ങള് വിവേചനം ഉണ്ടെന്നു കണ്ടാലും കോടതി അതില് ഇടപെടരുത്.
– സ്ത്രീയുടെയും പുരുഷന്റെയും പൗരാവകാശങ്ങള് സമാനമാക്കുന്നതില് കോടതിക്ക് ഉത്തരവാദിത്തമുണ്ട്.
– പക്ഷേ, സതിപോലെ, കുറ്റകരമായ അനാചാരങ്ങളുടെ കാര്യത്തിലേ ഇടപെടേണ്ടതുള്ളു.
– തുല്യതാവകാശം അയ്യപ്പസ്വാമിയെ ആരാധിക്കുന്നവരുടെ അവകാശങ്ങള്ക്ക് വിരുദ്ധമാകരുത്.
– ഈ വിഷയം ശബരിമലയുടെ കാര്യത്തില് മാത്രം ഒതുങ്ങുന്നില്ല. മറ്റ് ആരാധനാലയങ്ങള്ക്കും ബാധകമാണിത്.
