തിരുവനന്തപുരം: പെട്രോള്, ഡീസല് വിലവര്ധനയ്ക്കെതിരേയും പെട്രോളിയം ഉത്പന്നങ്ങള് ജിഎസ്ടി പരിധിയില് കൊണ്ടുവരണമെന്ന് ആവശ്യപ്പെട്ടും സംസ്ഥാനത്ത് യുഡിഎഫും എല്ഡിഎഫും ആഹ്വാനം ചെയ്തിരിക്കുന്ന ഹര്ത്താല് തുടങ്ങി. രാവിലെ ആറു മുതല് വൈകുന്നേരം ആറു വരെയാണു ഹര്ത്താല്.
പ്രളയ ബാധിത പ്രദേശങ്ങളിലെ ജനങ്ങളുടെ സാധാരണ ജീവിതത്തിനും ദുരിതാശ്വാസ പ്രവര്ത്തനങ്ങള്ക്കും ഹര്ത്താല് തടസം ഉണ്ടാക്കരുതെന്നു നിര്ദേശമുണ്ട്. ദുരിതാശ്വാസ പ്രവര്ത്തനങ്ങള്ക്കായി ഉപയോഗിക്കുന്ന വാഹനങ്ങള്, വിവാഹം, ആശുപത്രി, എയര് പോര്ട്ട്, വിദേശ വിനോദസഞ്ചാരികള്, പാല്, പത്രം തുടങ്ങിയവയേയും ഹര്ത്താലില് നിന്നൊഴിവാക്കിയിട്ടുണ്ട്.
സമാധാനപരമായിട്ടായിരിക്കും യുഡിഎഫ് ഹര്ത്താലെന്നു കെപിസിസി പ്രസിഡന്റ് എം.എം. ഹസന് നേരത്തെ അറിയിച്ചിരുന്നു. അതിനിടെ എഐസിസി ആഹ്വാനം ചെയ്ത ഭാരത് ബന്ദ് ഇന്നു നടക്കുന്നുണ്ട്.
