ശാരീരികാരോഗ്യം
1. ചുമ, പനി, നീരിളക്കം, ശരീരവേദന, തലവേദന, എന്നീ രോഗങ്ങള്ക്ക് രാസ ഔഷധങ്ങള് കഴിവതും ഒഴിവാക്കിയാല് ഇത്തരം രോഗങ്ങളെ ചെറുക്കുവാനുള്ള പ്രതിരോധശക്തി ശരീരത്തിനുïാകും.
2. കുറച്ച് സമയം മഴയത്ത് നടക്കുന്നതും, തോട്ടത്തില് പ്രവര്ത്തിക്കുന്നതും, കിണറ്റിലെ വെള്ളം ശുദ്ധമായതെങ്കില് തിളപ്പിക്കാതെ കുടിക്കുന്നതും ശരീരത്തിന്റെ പ്രതിരോധശക്തി വര്ധിപ്പിക്കുന്നു.
3. ഭക്ഷണത്തില് പരമാവധി വിവിധ തരത്തിലുള്ള നാടന് ഇല/ കായ്കറികള് ഇവ ഉള്പ്പെടുത്തുക, ആവശ്യത്തിന് കായം, മഞ്ഞള്, കുരുമുളക് എന്നീ ഔഷധങ്ങള് ഉപയോഗിക്കുക. മൈക്രോ ന്യൂട്രിയന്റ്സ് അടങ്ങുന്ന കല്ലുപ്പ് ഉപയോഗിക്കുക, നല്ല ഗുണനിലവാരമുള്ള റിഫൈന് ചെയ്യാത്ത ഭക്ഷ്യഎണ്ണകള് ഉപയോഗിക്കുക, എന്നിവയെല്ലാം ചെയ്യേïതാണ്.
4. എല്ലാ ദിവസവും വ്യായാമം ചെയ്യാന് സമയമില്ലാത്തവര് ഇടക്കെങ്കിലും കിണറ്റില് നിന്ന് വെള്ളം കോരുക, തുണി അലക്കുക, ചെടികള്ക്ക് വെള്ളമൊഴിക്കുക, വീടും പരിസരവും സ്വയം വൃത്തിയാക്കുക എന്നീ ജോലികളിലൂടെ ചെറിയ വ്യായാമം ചെയ്യാവുന്നതാണ്.
5. യോഗാസനങ്ങള് ശരീരത്തിന് ഉത്തമമായതും ഹിതകരവുമായ വ്യായാമമാണ്. സാവധാനത്തിലാണെങ്കിലും ഒരു ഡസന് യോഗാസനങ്ങളെങ്കിലും അറിഞ്ഞ് അനുഷ്ഠിക്കുന്നത് അഭികാമ്യമാണ്.
6. ഒറ്റമൂലികളും, പാര്ശ്വഫലങ്ങളില്ലാത്തതുമായ ഔഷധങ്ങള് ഉപയോഗിച്ചുള്ള ചികിത്സാ സമ്പ്രദായത്തെ ശരീരത്തിന് പരിചയപ്പെടുത്തുക. ശാശ്വതമായ നന്മയുളവാക്കുന്നതും ആരോഗ്യദായകവുമായ ഒട്ടനവധി ചര്യകള് ഭാരതത്തിലുണ്ട്. അവയില് ശാസ്ത്രീയമായതും സമകാലീന പ്രസക്തിയുള്ളവയേയും സ്വീകരിക്കുക.
മാനസികാരോഗ്യത്തിന്
അഭികാമ്യമായ ചില നിര്ദ്ദേശങ്ങള്
1. സ്വന്തം ശരീരത്തെയും അനാരോഗ്യത്തേയും ക്ഷീണത്തേയും കുറിച്ച് നിരന്തരം ചിന്തിക്കാതെ സംതൃപ്ത മനസ്സോടെ കര്മനിരതനാകാന് സാധിക്കുന്ന ഒരു പ്രവര്ത്തനത്തില് ഒഴിവുസമയങ്ങളില് മുഴുകുക.
2. ഭഗവത്ഗീത പോലെ മനസ്സിനെ സ്വാധീനിക്കുന്ന ഗ്രന്ഥങ്ങളിലെ സന്ദേശങ്ങള് ജീവിതത്തില് പകര്ത്താന് ശ്രമിക്കുന്നതും സുഭാഷിതങ്ങള് പഠിച്ച് പ്രചരിപ്പിക്കുന്നതും ഉത്തമമാണ്.
3. വിശ്രമവേളകളില് തനിക്കിഷ്ടപ്പെട്ട എന്തെങ്കിലും വിനോദം/ പഠനം ഇവ ശരീരത്തെ നിരന്തരം ഉത്സാഹഭരിതമാക്കിക്കൊണ്ടിരിക്കും.
4. മറ്റുള്ളവരുടെ ദോഷങ്ങള് കാണുകയും കേള്ക്കുകയും പറയുകയും ചെയ്യാതിരിക്കുക. നല്ലതു കാണുകയും കേള്ക്കുകയും ചെയ്യുമ്പോള് അഭിനന്ദിച്ചു പ്രോത്സാഹിപ്പിക്കുക. ഇത് സ്വന്തം ശരീരത്തിനും മനസ്സിനും
കൂടുതല് ആരോഗ്യം പ്രദാനം ചെയ്യുന്നു.
5. ഭാവിയെക്കുറിച്ചും, വരാന് സാധ്യതയുള്ള പ്രശ്നങ്ങളെക്കുറിച്ചും മുന്വിധിയോടെയുള്ള കാര്യങ്ങളില് ഇടപെടാതിരിക്കുക. വ്യക്തമായി തോന്നിയ കാര്യങ്ങള് വ്യക്തമായി പറഞ്ഞറിയിക്കുകയും, അപ്രകാരം ചെയ്യുന്ന വ്യക്തിയെന്ന ധാരണയും ഉണ്ടാക്കുക.
6. ദു:ഖം, ഭീതി, നിരാശ, പരിഹാസം, തുടങ്ങിയ വികാരങ്ങള് നിരന്തരമുണ്ടാക്കുന്ന പത്രവാര്ത്തകള് അതിരാവിലെ വായിക്കാതിരിക്കുക.
7. കുടുംബ ബന്ധത്തിന് ദൃഢത വര്ദ്ധിപ്പിക്കുന്ന ആത്മീയ കാര്യങ്ങള്, പിതൃകര്മ്മങ്ങള് ഇവയുടെയെല്ലാം സാമൂഹിക അര്ത്ഥംമനസ്സിലാക്കി അവയില് പങ്കെടുക്കുകയും സ്വയം അനുഷ്ഠിക്കുകയും ചെയ്യുക.
ഇപ്രകാരം ശാരീരിക ആരോഗ്യത്തിന്റെ ഒരു അടിസ്ഥാന ശിലയായ മനസ്സിനെ ചൈതന്യവത്താക്കുവാന് ഭാരതത്തില് അനവധി ചര്യകളുണ്ട്. അവയിലെ നന്മകള് കണ്ടറിഞ്ഞ് സ്വീകരിക്കുക.
ഡോ.എന്.ഗോപാലകൃഷ്ണന്
