കൊച്ചി: സിറോ മലബാര് സഭ ഭൂമി ഇടപാട് കേസില് കര്ദ്ദിനാളിന് ആശ്വാസം. മാര് ജോര്ജ് ആലഞ്ചേരിക്കെതിരെ കേസെടുക്കാമെന്ന ഹൈക്കോടതി സിംഗിള് ബെഞ്ച് ഉത്തരവ് ഹൈക്കോടതി ഡിവിഷന് ബെഞ്ച് റദ്ദാക്കി
കര്ദ്ദിനാള് മാര് ജോര്ജ് ആലഞ്ചേരി ഉള്പ്പടെ നാല് പേര് നല്കിയ ഹര്ജിയിലാണ് ഉത്തരവ്. എന്നാൽ, ഭൂമിയിടപാടുമായി ബന്ധപ്പെട്ട കേസിന്റെ അന്വേഷണവുമായി അന്വേഷണ സംഘത്തിന് മുന്നോട്ടു പോകാമെന്ന് ഹൈക്കോടതി ഉത്തരവിട്ടു.
നേരത്തെ അന്വേഷണം നടത്തണമെന്ന സിംഗിള് ബെഞ്ച് വിധി ഡിവിഷന് ബെഞ്ച് സ്റ്റേ ചെയ്തിരിക്കുകയായിരുന്നു. ഇന്നാണ് കേസില് അന്തിമ വിധിയുണ്ടായത്. ചീഫ് ജസ്റ്റീസ് ആന്റണി ഡോമിനിക് അധ്യക്ഷനായ ബെഞ്ചാണ് വിധി പറഞ്ഞത്.
