ബാലഗോകുലം ദക്ഷിണകേരളം വാര്‍ഷിക സമ്മേളനം മാവേലിക്കരയില്‍

ആലപ്പുഴ: ബാലഗോകുലം ദക്ഷിണകേരളം വാര്‍ഷിക സമ്മേളനം ജൂലൈ മൂന്ന് മുതല്‍ അഞ്ചു വരെ മാവേലിക്കര വിദ്യാധിരാജ വിദ്യാപീഠം സെന്‍ട്രല്‍ സൈനിക സകൂളില്‍ നടത്തും. 3ന് രാവിലെ 10ന് ദക്ഷിണകേരളം നിര്‍വ്വാഹക സമിതി യോഗം. കൊറ്റാര്‍ക്കാവ് ശുഭാനന്ദാശ്രമത്തിലെ സൂക്ഷ്മാനന്ദ സ്വാമി ഉദ്ഘാടനം ചെയ്യും. നാലിന് രാവിലെ 9.30ന് പ്രവര്‍ത്തക പഠന ശിബിരം ഉമ്പര്‍നാട് നരസിംഹ കുശ്മാണ്ഡ സിദ്ധാശ്രമത്തിലെ സ്വാമി സത് സ്വരൂപാനന്ദ സരസ്വതി സ്വാമികള്‍ ഉദ്ഘാടനം ചെയ്യും. ബാലഗോകുലം ദക്ഷിണ കേരളം അദ്ധ്യക്ഷന്‍ ഡോ. എന്‍. ഉണ്ണികൃഷ്ണന്‍ അദ്ധ്യക്ഷനാകും. ബാലഗോകുലം സംസ്ഥാന അദ്ധ്യക്ഷന്‍ ആര്‍. പ്രസന്നകുമാര്‍ ‘ഗോകുലം നാല് പടവുകള്‍’ എന്ന വിഷയത്തില്‍ പ്രഭാഷണം നടത്തും. ബാലഗോകുലം ദക്ഷിണ കേരളം പൊതുകാര്യദര്‍ശി ബി.എസ്. ബിജു സ്വാഗതവും ദക്ഷിണ കേരളം കാര്യദര്‍ശി എസ്. ശ്രീകുമാര്‍ നന്ദിയും പറയും.

11.30ന് പ്രതിനിധിസഭയില്‍ ബാലഗോകുലം സംസ്ഥാന സംഘടനാ കാര്യദര്‍ശി എസ്.ആര്‍. കണ്ണന്‍, സംസ്ഥാന പൊതുകാര്യദര്‍ശി കെ.എന്‍. സജികുമാര്‍, ബി.എസ്. ബിജു എന്നിവര്‍ പങ്കെടുക്കും. തുടര്‍ന്ന് ദക്ഷിണ കേരളം ഉപാദ്ധ്യക്ഷ പി. കൃഷ്ണപ്രിയയുടെ അദ്ധ്യക്ഷതയില്‍ ബാലസഭ. ഡോ. എന്‍.കെ. പ്രവീണ്‍ ‘ജീവിതം പ്രകൃതി സൗഹൃദം’ എന്ന വിഷയം അവതരിപ്പിക്കും. 12.30 മുതല്‍ എട്ടു ശ്രേണികളിലായി പരിശീലന സഭ. 2.30ന് വൃത്തം വിലയിരുത്തല്‍, 3.15ന് ബാലസഭയും ചര്‍ച്ചാസഭയും. 4.45ന് സംഘടനാ സഭ, 6.15ന് ഭജനസഭ, 7.30ന് ബൗദ്ധിക്ക് സഭയില്‍ ദക്ഷിണ കേരളം ഉപാദ്ധ്യക്ഷന്‍ ജി. സന്തോഷ് കുമാറിന്റെ അദ്ധ്യക്ഷതയില്‍ ആര്‍എസ്എസ് ദക്ഷിണ പ്രാന്ത സഹ പ്രചാര്‍ പ്രമുഖ് എം. സതീശന്‍ ‘നവയുഗ സംഘാടകര്‍’ എന്ന വിഷയത്തില്‍ പ്രഭാഷണം നടത്തും.

അഞ്ചിന് രാവിലെ 10ന് പൊതുസഭ എംജി യുണിവേഴ്‌സിറ്റി വൈസ് ചാന്‍സിലര്‍ ഡോ. ഡി. മാവുത് ഉദ്ഘാടനം ചെയ്യും. ബാലഗോകുലം ദക്ഷിണ കേരളം അദ്ധ്യക്ഷന്‍ ഡോ. എന്‍. ഉണ്ണികൃഷ്ണന്‍ അദ്ധ്യക്ഷനാകും. ബാലഗോകുലത്തിന്റെ 1202 വര്‍ഷത്തെ മലയാളം കലണ്ടര്‍ ഡോ. ഡി. മാവൂത് പ്രകാശനം ചെയ്യും. വിശിഷ്ടാതിഥി കൂടിയായ ചലച്ചിത്ര പിന്നണി ഗായകന്‍ കെ.എസ്. ഹരിശങ്കറിനെ ആദരിക്കും. എന്‍. ഹരീന്ദ്രന്‍, ഡോ. എസ.് രവിശങ്കര്‍ എന്നിവര്‍ സംസാരിക്കും. എം.എന്‍. ശശിധരന്‍ സ്വാഗതവും, അഡ്വ. എസ്. മണികണ്ഠന്‍ നന്ദിയും പറയും. തുടര്‍ന്ന് പ്രതിനിധി സഭ, ബാലസഭ, വൈകിട്ട് മൂന്നിന് സമാപന സഭ. വാര്‍ത്താസമ്മേളനത്തില്‍ ബാലഗോകുലം പൊതു കാര്യദര്‍ശി കെ.എന്‍. സജികുമാര്‍, ദക്ഷിണ കേരളം അദ്ധ്യക്ഷന്‍ ഡോ. എന്‍. ഉണ്ണികൃഷ്ണന്‍, ബാലഗോകുലം ആലപ്പുഴ ജില്ലാ ഉപാദ്ധ്യക്ഷന്‍ മന്മഥകുമാര്‍, സ്വാഗതസംഘം ജനറല്‍ കണ്‍വീനര്‍ കെ.എം. ഗീരിഷ് എന്നിവര്‍ പങ്കെടുത്തു.