ന്യൂദല്‍ഹി: ജൂനിയര്‍ ജഡ്ജിമാരുടേത് ചെറിയ കോടതിയാണെന്നും തങ്ങള്‍ ചെറിയ ആളുകളാണെന്നും ജസ്റ്റീസ് അരുണ്‍ മിശ്ര. ദേശീയ പ്രാധാന്യമുള്ള കേസുകള്‍ ജൂനിയര്‍ ജഡ്ജിമാരുടെ ബെഞ്ചിലേക്കു ചീഫ് ജസ്റ്റീസ് മാറ്റുകയാണെന്ന സുപ്രീം കോടതി മുതിര്‍ന്ന ജഡ്ജിമാരുടെ ആരോപണത്തില്‍ നീരസം പ്രകടിപ്പിച്ച്‌ ജസ്റ്റീസ് അരുണ്‍ മിശ്ര. സുപ്രീം കോടതിയിലെ ജഡ്ജിമാര്‍ തമ്മിലുള്ള ശീതയുദ്ധം തുടരുന്നതിന്റെ സൂചന കൂടിയായി അരുണ്‍ മിശ്രയുടെ പ്രതികരണം.
എന്തുകൊണ്ടാണ് ഇത്രയും ആളുകള്‍ ഇവിടെ കൂടുന്നത്? താന്‍ ഒരു ജൂനിയര്‍ ജഡ്ജാണ്. എന്തുകൊണ്ടാണ് ആളുകള്‍ സീനിയര്‍ ജഡ്ജിമാരുടെ കോടതിയില്‍ പോകാത്തത്? അദ്ദേഹം ചോദിച്ചു. ഗുജറാത്ത് ബെസ്റ്റ് ബേക്കറി കേസ്, രാജീവ് ഗാന്ധി വധം, ബാബറി മസ്ജിദ് തകര്‍ക്കലുമായി ബന്ധപ്പെട്ട കേസ്, ടുജി അഴിമതി, കല്‍ക്കരിപ്പാടം അഴിമതി കേസ് തുടങ്ങി ദേശീയ പ്രാധാന്യമുള്ള കേസുകളെല്ലാം ചീഫ് ജസ്റ്റീസ് തെരഞ്ഞെടുത്ത ബെഞ്ചിലേക്ക് മാറ്റുകയാണെന്നായിരുന്നു ആരോപണം. മുതിര്‍ന്ന ജഡ്ജിമാരാണ് ആരോപണവുമായി രംഗത്ത് വന്നത്.
