അലഹബാദ്: ഹിന്ദു സന്യാസിമാരുടെ കൂട്ടായ്മ്മയായ അഖില ഭാരതീയ അഖാറ പരിഷത്ത് കള്ള സന്യാസിമാരുടെ പേര് വിവരങ്ങള് പുറത്ത് വിട്ടു.
വിരേന്ദ്ര ദീക്ഷിത് കാല്നിമി (ദല്ഹി), സച്ചിദാനന്ദ സരസ്വതി (ഉത്തര്പ്രദേശ് ബസ്തി), ത്രിഖാല് ഭവന്ത് (അലഹബാദ്) എന്നിവരുടെ പേര് വിവരങ്ങളാണ് പട്ടികയില് ഉള്പ്പെട്ടിരിക്കുന്നത്.
വ്യാജ പ്രചരണങ്ങളിലൂടെ സന്യാസ ജീവിതത്തെ അപകീര്ത്തിപ്പെടുത്തുന്ന ഇവരുടെ പ്രചരണങ്ങളില് നിന്നും ജാഗ്രത പുലര്ത്താന് അഖില ഭാരതീയ അഖാറ പരിഷത്ത് അധികൃതര് ജനങ്ങള്ക്ക് നിര്ദേശം നല്കി. വ്യാജ സന്യാസിമാരുടെ പേര് വിവരങ്ങള് പുറത്തുവിട്ട സാഹചര്യത്തില് 2019 ല് നടക്കുന്ന കുംഭമേളയ്ക്കായി പ്രത്യേക നിരീക്ഷണ സമിതി രൂപവത്കരിക്കാനും അഖാറ പരിഷത്ത് അധികാരികള് തീരുമാനിച്ചിട്ടുണ്ട്.
സെപ്തംബര് 10 ന് ഗുര്മിത് റാം റഹീം സിംഗ്, രാധേയ മാ, നിര്മല് ബാബ, രാംപാല്, ആശ്രാം ബാപ്പു, മകന് നാരായണ് സായ് എന്നിവരുടെ പേരുകള് പുറത്തുവിട്ടിരുന്നു.
പ്രതികരിക്കാൻ ഇവിടെ എഴുതുക: