കെയ്റോ: ഈജിപ്തിലെ കെയ്റോയില് കോപ്റ്റിക് ക്രൈസ്തവരുടെ പള്ളിയിലുണ്ടായ വെടിവയ്പ്പില് ഒന്പത് പേര് കൊല്ലപ്പെട്ടു. നിരവധി പേര്ക്ക് പരിക്കേല്ക്കുകയും ചെയ്തു.
തെക്കന് കെയ്റോയിലെ ഹെല്വാന് ജില്ലയിലെ മാര് മിന പള്ളിയിലാണ് വെടിവയ്പ്പുണ്ടായത്. ആയുധ ധാരികളായ രണ്ടുപേര് പള്ളിയില് കടക്കുകയും ജനങ്ങള്ക്കുനേരെ നിറയൊഴിക്കുകയുമായിരുന്നു.
ഇവിടെ അടുത്ത ആഴ്ച നടക്കുന്ന ക്രിസ്മസ് ആഘോഷങ്ങള്ക്ക് സുരക്ഷ ഒരുക്കുന്നതിനായി പോലീസിനെ വിന്യസിപ്പിച്ചിരുന്നു. ഇവര്ക്കു നേരെയുണ്ടായ വെടിവെപ്പിലാണ് മൂന്നുപേര് കൊല്ലപ്പെട്ടത്.
ആക്രമണത്തെ തുടര്ന്ന് സുരക്ഷാ ഉദ്യോഗസ്ഥര് നടത്തിയ തിരിച്ചടിയില് ആക്രമികളില് ഒരാള് കൊല്ലപ്പെട്ടതായി ഔദ്യോഗിക വാര്ത്താ ഏജന്സിയായ മെന റിപ്പോര്ട്ട് ചെയ്തു.
