ന്യൂദല്ഹി: ദൂരദര്ശനില് ദേശസ്നേഹം തുളുമ്പുന്ന സിനിമകളുടെ പ്രദർശനത്തിൽ വർധന. ലോക്സഭയില് സര്ക്കാര് സമര്പ്പിച്ച കണക്കുകള് പ്രകാരം ദേശസ്നേഹം സംബന്ധിച്ച 17 സിനിമകളാണ് 2017ല് ദൂരദര്ശന്റെ വിവിധ ഭാഷ ചാനലുകളിലൂടെ പ്രദര്ശിപ്പിച്ചത്.
ബി.ജെ.പി എം.പിയായ ഹരീഷ് ദ്വിവേദിയാണ് ഇതു സംബന്ധിച്ച ചോദ്യം പാര്ലമെന്റിൽ ഉന്നിയിച്ചത്. കഴിഞ്ഞ മൂന്ന് വര്ഷങ്ങളിലും 2017ല് ദൂരദര്ശനില് പ്രദര്ശിപ്പിച്ച ദേശസ്നേഹം വിഷയമാകുന്ന സിനിമകളുടെ എണ്ണം എത്രയാണെന്നായിരുന്നു ദ്വിവേദിയുടെ ചോദ്യം.
ഇതിലാണ് 2107ല് 17 സിനിമകള് ഇത്തരത്തില് പ്രദര്ശിപ്പിച്ചുവെന്ന് വാര്ത്ത വിതരണ മന്ത്രാലയം മറുപടി നല്കിയത്. കഴിഞ്ഞ മൂന്ന് വര്ഷങ്ങളിലായി 36 സിനിമകളാണ് പ്രദര്ശിപ്പിച്ചതെന്നും മന്ത്രാലയത്തിന്റെ മറുപടിയിലുണ്ട്. യു.പി.എ ഭരണവുമായി താരത്മ്യം ചെയ്യുമ്പോൾ ദേശസ്നേഹ സിനിമകളുടെ എണ്ണം വര്ധിച്ചിരിക്കുകയാണ് ചെയ്തിരിക്കുന്നതെന്നും മന്ത്രാലയം വ്യക്തമാക്കുന്നു.
