കണ്ണൂര്: കണ്ണൂര് സംഗീതസഭയുടെആഭിമുഖ്യത്തിലുള്ളത്യാഗരാജ സംഗീതോത്സവം ഡിസംബര് 31, ജനുവരി 1, 2 തീയതികളിലായി നടക്കും.
സംഗീതോത്സവത്തോടനുബന്ധിച്ച് സംഗീതസഭയുടെകുടുംബസംഗമവും അനുമോദനസമ്മേളനവുമടക്കം വിപുലമായ പരിപാടികളാണ് സംഘടിപ്പിക്കുന്നതെന്ന് സംഗീതസഭ പ്രസിഡണ്ട് കെ.പ്രമോദ്, ചെയര്മാന് കെ.പി.ജയപാലന് മാസ്റ്റര്, സെക്രട്ടറി ഒ.എന്.രമേശന് എന്നിവര്അറിയിച്ചു.
31ന് രാവിലെ 10 മണിക്ക് തളാപ്പ് ഐഎംഎ ഹാളില് വത്സന് മാസ്റ്ററുടെ നേതൃത്വത്തില് പഞ്ചരത്ന കീര്ത്തനാലാപനത്തോടെയാണ് പരിപാടികള് തുടങ്ങുക. വൈകുന്നേരം 6 മണിക്ക് കണ്ണൂര് ശിക്ഷക്സദനില് കുടുംബസംഗമം. കുടുംബബന്ധങ്ങളെകുറിച്ച് ഡോ.ഉമര് ഫാറൂഖ് ക്ലാസെടുക്കും. ബിസിനസ് രംഗത്തെ മികവിനൊപ്പം സാമൂഹ്യസേവനമേഖലയിലെ നിസ്തുലമായ പ്രവര്ത്തനങ്ങളും നടത്തി അമേരിക്കയിലെ കിംഗ്സ് യൂണിവേഴ്സിറ്റിയില് നിന്ന് ഡോക്ടറേറ്റ് നേടിയ സംഗീതസഭ രക്ഷാധികാരി എന്.കെ.സൂരജിനുള്ള അനുമോദന സമ്മേളനവും കുടുംബസംഗമവും മുന്മന്ത്രി കെ.സുധാകരന് ഉദ്ഘാടനം ചെയ്യും. രാത്രി 8 മണിക്ക് ഡോ. പി.വിനോദ്കുമാറിന്റെ പുല്ലാങ്കുഴല് സംഗീതിക. തുടര്ന്ന് വിവിധ കലാപരിപാടികള്.
ജനുവരി ഒന്നിന് വൈകുന്നേരം 5.30ന് ഐഎംഎ ഹാളില് നടക്കുന്ന സംഗീതാരാധന പി.കെ.ശ്രീമതി എംപി ഉദ്ഘാടനം ചെയ്യും. തുടര്ന്ന് ഹരി അഗ്നിസര്മന് കപ്പിയൂരിന്റെ സംഗീതക്കച്ചേരി നടക്കും. 2 ന് വൈകുന്നേരം 6 മണിക്ക് സമാപന സമ്മേളനം കഥാകൃത്ത് ടി.പദ്മനാഭന് ഉദ്ഘാടനം ചെയ്യും. തുടര്ന്ന് വി.ആര്.ദിലീപ്കുമാറിന്റെ സംഗീതകച്ചേരി നടക്കും.
സംഗീതോല്സവത്തില് കണ്ണൂരിലെ സംഗീതപ്രതിഭകള്ക്ക് സംഗീതാരാധന നടത്താനുള്ള സൗകര്യവും ഒരുക്കുന്നുണ്ട്. പങ്കെടുക്കാനാഗ്രഹിക്കുന്നവര് തളാപ്പിലുള്ള സംഗീതസഭ ഓഫീസുമായോ 9656208099 നമ്പറിലോ ബന്ധപ്പെടണമെന്ന് സംഘാടകര് അറിയിച്ചു.
പ്രതികരിക്കാൻ ഇവിടെ എഴുതുക: