കട്ടപ്പന: സമാനതകളില്ലാത്ത മത സൗഹാര്ദ്ദത്തിന് മാതൃകയൊരുക്കി കൊന്നത്തടി ടൗണില് നടന്ന ക്രിസ്തുമസ് കരോള് ശ്രദ്ദേയമായി. ഹൈന്ദവ, മുസ്ലിം, ക്രിസ്ത്യന് മതവിഭാങ്ങളെ ഉള്പ്പെടുത്തിയാണ് കൊന്നത്തടിയില് കരോള് സംഘടിപ്പിച്ചത്. സെന്റ് പീറ്റേഴ്സ് സിഎസ്ഐ പള്ളിയുടെയും, പൊന്മുടി സെന്റ്. മേരീസ് കത്തോലിക്കാ പള്ളിയുടെയും സംയുക്താഭിമുഖ്യത്തിലാണ് കരോള് നടത്തിയത്. പൊന്മുടിയില് നിന്നും സിഎസ്ഐ പള്ളിയില് നിന്നും രണ്ടായി എത്തിയ കരോള് പഞ്ചായത് സിറ്റിയില് സംഗമിച്ച് കാക്കാസിറ്റിയില് സമാപിച്ചു.
തുടര്ന്ന് നടന്ന യോഗത്തില് കൊന്നത്തടി സിഎസ് ഐ പള്ളി വികാരി ഫാ.സാം, പൊന്മുടി പള്ളിവികാരി ഫാ. ജോബി വാഴയില് എന്നിവര് ക്രിസ്തുമസ് സന്ദേശം നല്കി. കൊന്നത്തടി ജുമാ മസ്ജിദ് ഇമാം മുഹമ്മദ് ഇഖ്ബാല് മൗലവി, എസ്എന്ഡിപി കൊന്നത്തടി ശാഖ പ്രസിഡന്റ്് സോമന് വാഴപ്പിള്ളില്, എന്എസ്എസ് കരയോഗം പ്രസിഡന്റ് പി.ഡി. രഘു നാഥന് നായര് തുടങ്ങിയവര് സംസാരിച്ചു. വിവിധ ഭക്ത സംഘടന നേതാക്കളായ ജെയിംസ് കുളങ്ങര, ജൈമോന് കൊന്നയ്ക്കല്, ജോഷി മാറ്റത്തില്, ജോഷി മാടത്തിശ്ശേരി, അമല് സാബു, സുബിന് ബേബി, അമല് ബേബി തുടങ്ങിയവര് പരിപാടികള്ക്ക് നേതൃത്വം നല്കി. ആദ്യമായാണ് സംയുക്തമായി കൊന്നത്തടിയില് കരോള് സംഘടിപ്പിക്കുന്നത്.
