ഗുരുവായൂര്: ബി.ജെ.പി പ്രവര്ത്തകന് ഗുരുവായൂര് നെന്മിനി സ്വദേശി ആനന്ദനെ സി.പി.എം- ജിഹാദി ഭീകരന്മാര് വെട്ടി കൊലപ്പെടുത്തിയ സംഭവത്തെ കുറിച്ചുള്ള അന്വേഷണം അട്ടിമറിക്കാനുള്ള പോലീസിന്റെ ശ്രമത്തിനെതിരെ ബി.ജെ.പി.മണലൂര് മണ്ഡലം കമ്മറ്റി കണ്ടാണശ്ശേരി സി.ഐ.ഓഫീസിലേക്ക് ഇന്ന് മാര്ച്ച് നടത്തും.ആനന്ദന് വധത്തിലെ ഗൂഢാലോചനകള്, പ്രതികള് രക്ഷപ്പെടാനുപയോഗിച്ച ആഡംബര കാറുകളുടെ ഉടമസ്ഥര്, ഒന്നാം പ്രതി ഫായിസിന്റെ തീവ്രവാദ ബന്ധം എന്നിവ അന്വേഷിക്കുക എന്ന ആവശ്യമുന്നയിച്ചാണ് മാര്ച്ച്.
രാവിലെ 10ന് ചൊവ്വല്ലൂര്പ്പടിയില് നിന്നാരംഭിക്കുന്ന മാര്ച്ചില് ബി.ജെ.പി.ജില്ലാ സംസ്ഥാന നേതാക്കള് പങ്കെടുക്കും. തുടര്ന്ന് നടക്കുന്ന പ്രതിഷേധ യോഗത്തില് സംസ്ഥാന ജനറല് സെക്രട്ടറി കെ.സുരേന്ദ്രന് സംസാരിക്കുമെന്ന് മണലൂര് നിയോജക മണ്ഡലം പ്രസിഡണ്ട് സുധീഷ് മേനോത്തുപറമ്പില്, ഗുരുവായൂര് മണ്ഡലം പ്രസിഡണ്ട് കെ.ആര്.അനീഷ് എന്നിവര് സംയുക്ത പ്രസ്താവനയില് അറിയിച്ചു.
