തലശ്ശേരി: തലശ്ശേരി പാനൂര് ബ്ലോക്ക് പഞ്ചായത്തിന്റെ ആഭിമുഖ്യത്തില് 22 മുതല് 31 വരെ കതിര് കാര്ഷിക വിപണന മേള നടക്കും. കതിരൂര് ഇഎംഎസ് സ്മാരക സ്റ്റേഡിയത്തില് നടക്കുന്ന മേള മന്ത്രി വി.എസ്.സുനില് കുമാര് ഉദ്ഘാടനം ചെയ്യും. കാര്ഷിക ഉത്പന്നങ്ങളുടെ പ്രദര്ശനവും വില്പനയും ലക്ഷ്യം വെച്ചുള്ള നിരവധി സ്റ്റാളുകള് മേളയിലുണ്ടാവും. എല്ലാ ദിവസവും കാര്ഷിക മേഖലയിലെ വിവിധ വിഷയങ്ങളെ അധികരിച്ച് സെമിനാറുകള് നടക്കും. സര്ക്കാര് അര്ധസര്ക്കാര് സ്ഥാപനങ്ങളുടെ സ്റ്റാളുകളും വാണിജ്യ വിപണന സ്റ്റാളുകളും മേളയില് ഉണ്ടാവും. ഫഌവര്ഷോ, ഫുഡ് കോര്ട്ട്, അമ്മ്യൂസ്മെന്റ് പാര്ക്ക് കൂടാതെ സിനിമ സീരിയല് താരങ്ങളുടെ നേതൃത്വത്തില് വൈകുന്നേരങ്ങളില് കലാവിരുന്ന് അരങ്ങേറും. കുടുംബശ്രീ, അങ്കണ്വാടി കലോത്സവങ്ങളും മേളയുടെ ഭാഗമായി നടക്കും. 31 ന് മെഗാ ഷോയോട് കൂടി മേള സമാപിക്കും.
പത്രസമ്മേളനത്തില് പാനൂര് ബ്ലോക്ക് പ്രസിഡണ്ട് കെ.ഇ.കുഞ്ഞബ്ദുള്ള, കതിരൂര് ഗ്രാമപഞ്ചായത്ത് പ്രസിഡണ്ട് എം.ഷീബ, കെ.വി.പവിത്രന്, എഡിഎ കമലം, ടി.വി.സുബാഷ്, എന്.സന്തോഷ് കുമാര്, പി.പി.സനല് എന്നിവര് പങ്കെടുത്തു.
