ഇരിട്ടി: ഗുജറാത്ത്, ഹിമാചല് പ്രദേശ് നിയമസഭകളിലേക്ക് നടന്ന തിരഞ്ഞെടുപ്പില് ഉണ്ടായ വിജയത്തെത്തില് ആഹ്ലാദം പ്രകടിപ്പിച്ച് ബിജെപി, യുവമോര്ച്ച പ്രവര്ത്തകര് ഇരിട്ടി ടൗണില് പ്രകടനം നടത്തി. പ്രകടത്തിന് നേതാക്കളായ രാമദാസ് എടക്കാനം, സജിത്ത് കീഴൂര്, സത്യന് കൊമ്മേരി, മനോഹരന് വയോറ, പി.കൃഷ്ണന്, പി.വി.അജയകുമാര്, അജേഷ് നാടുവനാട്, പ്രിജേഷ് അളോറ എന്നിവര് നേതൃത്വം നല്കി.
കൂത്തുപറമ്പ്: ചെറുവാഞ്ചേരി ടൗണില് ബിജെപി പ്രവര്ത്തകര് മധുരം വിതരണം ചെയ്തു പടക്കം പൊട്ടിച്ചും വിജയാഘോഷം കൊണ്ടാടി. ബിജെപി പാട്യം പഞ്ചായത്ത് പ്രസിഡന്റ് പി.സുധീര്, ആര്.വി.ശശിധരന്, എം.പി.ജിഗീഷ് എന്നിവര് നേതൃത്വം നല്കി. തൊക്കിലങ്ങാടിയിലും മധുരം വിതരണവും പടക്കം പൊട്ടിച്ചും ബിജെപി പ്രവര്ത്തകര് വിജയാഘോഷം കൊണ്ടാടി. ജ്യോതി ബാബു, കെ ഇ.പ്രത്യുഷ്, നിഖില് പാലായി എന്നിവര് നേതൃത്വം നല്കി.
പിലാത്തറ: ഗുജറാത്ത്, ഹിമാചല് പ്രദേശ് നിയമസഭാ തിരഞ്ഞെടുപ്പുകളിലെ വിജയത്തില് ആഹ്ലാദം പ്രകടിപ്പിച്ച് പിലാത്തറയില് ബിജെപി പ്രവര്ത്തകര് വിജയാഘോഷ് നടത്തി. പടക്കം പൊട്ടിച്ചും ലഡു വിതരണം ചെയ്തും പ്രവര്ത്തകരുടെ ആഹ്ലാദ പ്രകടനം നഗരപ്രദക്ഷിണം നടത്തി. കല്യാശ്ശേരി മണ്ഡലം പ്രസിഡന്റ് വിജയന് മാങ്ങാട്, ശങ്കരന് കൈതപ്രം, കെ.സജീവ്, എന്.പി.കുഞ്ഞിക്കണ്ണന്, ടി.പി.രാജേഷ്, വി.വി.ഉണ്ണികൃഷ്ണന്, കെ.വി.ഉണ്ണികൃഷ്ണവാരിയര് എന്നിവര് സംസാരിച്ചു.
മയ്യില്: ബിജെപി പ്രവര്ത്തകര് മയ്യിലില് ആഹഌദ പ്രകടനം നടത്തി. സി.വി.മോഹനന്, കെ.കെ.നാരായണന്, എ.കെ.ഗോപാലന്, ദാമോദരന് പാലക്കല്, കെ.പി.മധു, യുവമോര്ച്ച ജില്ല കമ്മിറ്റിയംഗം വി.പി.രാഹുല് തുടങ്ങിയ നേതാക്കള് നേതൃത്വം നല്കി.
കൊളച്ചേരി : ബിജെപി കൊളച്ചേരി പഞ്ചായത്ത് കമ്മിറ്റിയുടെ നേതൃത്വത്തില് ചേലേരിയില് ആഹ്ലാദ പ്രകടനം നടത്തി. ബിജെപി തളിപ്പറമ്പ് മണ്ഡലം ജനറല് സെക്രട്ടറി, മുണ്ടേരി ചന്ദ്രന്, സെക്രട്ടറി കെ.പി.പ്രേമരാജന്, ബിജെ പി കൊളച്ചേരി പഞ്ചായത്ത് പ്രസിഡന്റ് സി.പി.സുരേന്ദ്രന്, കെ.പി.ചന്ദ്രഭാനു, രാജേഷ് എന്നിവര് നേതൃത്വം നല്കി.
