ആലപ്പുഴ: അഖില കേരള ധീവരസഭ സംഘടിപ്പിച്ച മത്സ്യത്തൊഴിലാളി സംഗമവും അവകാശ പ്രഖ്യാപന സമ്മേളനവും സംസ്ഥാന സര്ക്കാരിനോടുള്ള പ്രതിഷേധ വേദിയായി. ഓഖി ചുഴലിക്കൊടുങ്കാറ്റ് സംബന്ധിച്ച് കേന്ദ്രം മുന്നറിയിപ്പു നല്കിയിട്ടും സംസ്ഥാന ദുരന്ത നിവാരണ അതോറിട്ടി മത്സ്യത്തൊഴിലാളികള്ക്ക് ജാഗ്രതാ സന്ദേശം നല്കുന്നതില് വീഴ്ച വരുത്തിയതില് സമ്മേളനം പ്രതിഷേധിച്ചു.
കേന്ദ്രമന്ത്രി അല്ഫോണ്സ് കണ്ണന്താനം. ഉദ്ഘാടനം ചെയ്തു. സര്ക്കാരുകളില് നിന്നും അവകാശങ്ങള് നേടിയെടുക്കാനുള്ള ശക്തിയായി മത്സ്യത്തൊഴിലാളികള് മാറണമെന്ന് അദ്ദേഹം ആവശ്യപ്പെട്ടു.
ബിജെപി സംസ്ഥാന അധ്യക്ഷന് കുമ്മനം രാജശേഖരന്, മന്ത്രി പി. തിലോത്തമന്, പ്രതിപക്ഷനേതാവ് രമേശ് ചെന്നിത്തല, എ.എം. ആരിഫ് എംഎല്എ, ആലപ്പുഴ ബിഷപ്പ് ഡോ. സ്റ്റീഫന് അത്തിപ്പൊഴിയില് തുടങ്ങിയവര് സംസാരിച്ചു. ധീവരസഭാ പ്രസിഡന്റ് അഡ്വ. കെ.കെ. രാധാകൃഷ്ണന് അധ്യക്ഷനായി. ജന. സെക്രട്ടറി വി. ദിനകരന് സ്വാഗതവും പി.ജി. സുഗുണന് നന്ദിയും പറഞ്ഞു.
