പത്തനംതിട്ട: ആറന്മുള വിമാനത്താവളം യാഥാര്ത്ഥ്യമാക്കാനുളള പുതിയ നീക്കം ദുരൂഹമെന്ന് ബി ജെ പി ദേശീയ നിര്വാഹക സമിതി അംഗം കുമ്മനം രാജശേഖരന്.പ്രദേശത്ത് ഡ്രോണ് സര്വേ നടത്തുന്നതില് പ്രതികരിക്കുകയായിരുന്നു അദ്ദേഹം.
ആറന്മുള വിമാനത്താവള പദ്ധതിയെ ബിജെപി ശക്തമായി എതിര്ക്കും.ഭൂമി കച്ചവടമാണ് ലക്ഷ്യമെന്നും കുമ്മനം ആരോപിച്ചു. ആറന്മുളയില് ഒരിക്കലും അനുമതി കിട്ടില്ല. കൊടുമണ് അടക്കം മറ്റു സ്ഥലങ്ങളില് പദ്ധതി സാധ്യത നോക്കണം.
എല്ലാവര്ഷവും വെള്ളം കയറുന്ന സ്ഥലമായി ആറന്മുള മാറിയെന്നും വയനാട് കണ്ടെങ്കിലും പാഠം പഠിക്കണമെന്നും കുമ്മനം രാജശേഖരന് പറഞ്ഞു.ഒരു നിര്മ്മാണവും സഹിക്കാന് പറ്റുന്ന ഭൂമിയല്ല ആറന്മുളയിലേത്.
ജനങ്ങള് രംഗത്തിറങ്ങും. പുതിയ സര്ക്കാര് വന്നു എന്ന ഉമ്മാക്കി കാട്ടി പേടിപ്പിക്കേണ്ടെന്നും കുമ്മനം രാജശേഖരന് പറഞ്ഞു. അബിന് വര്ക്കി എം എല് എ പ്രദേശത്തെ വിഷയങ്ങള് പഠിച്ചിട്ടല്ല കാര്യങ്ങള് പറയുന്നതെന്നും കുമ്മനം കുറ്റപ്പെടുത്തി.
