വര്ക്കല: റെസ്റ്റോറന്റ് ഉടമയ്ക്ക് നേരെ നാടന് തോക്ക് ഉപയോഗിച്ച് വെടി ഉതിര്ത്ത യുവാവ് പിടിയിലായി. ആലപ്പുഴ സ്വദേശി സിബിന് ഫിലിപ്പ് (38) ആണ് നാടന് തോക്ക് ഉപയോഗിച്ച് മൂന്ന് റൗണ്ട് വെടി ഉതിര്ത്തത്. ഹെലിപ്പാടിന് സമീപം ഡാര്ജിലിംഗ് റിസോര്ട്ട് ഉടമ കുരക്കണ്ണി കാവുവിള വീട്ടില് ശ്യാംകുമാര് (35) ഒഴിഞ്ഞുമാറിയതിനാല് രക്ഷപ്പെട്ടു.
ഇന്നലെ വൈകിട്ട് 6 മണിയോടെ പാപനാശം ഹെലിപ്പാടിലായിരുന്നു സംഭവം. സിബിന് ശ്യാമിനെ അസഭ്യം പറയുകയും തോക്കെടുത്ത് വെടി പൊട്ടിക്കുകയുമായിരുന്നു. ഒഴിഞ്ഞുമാറിയതിനാല് ശരീരത്ത് വെടി കൊണ്ടില്ല. ഇതിനിടയില് കത്തി കൊണ്ട് ആക്രമിക്കാനും ശ്രമിച്ചു. സമീപത്തെ റിസോര്ട്ടിലേക്ക് ഓടി ഒളിച്ച പ്രതിയെ നാട്ടുകാര് പിടികൂടി പോലീസില് ഏല്പിച്ചു. മുന്വൈരാഗ്യമാണ് ആക്രമണത്തിന് കാരണമെന്ന് പോലീസ് പറഞ്ഞു. ഇയാള്ക്കെതിരെ ലൈസന്സ് ഇല്ലാത്ത നാടന് തോക്ക് കൈവശം വച്ചതിനും വധശ്രമത്തിനും പോലീസ് കേസെടുത്തു.
