തിരുവനന്തപുരം: വൈദ്യുതി ബോര്ഡില്നിന്ന് വിവരസാങ്കേതിക വിദ്യാധിഷ്ഠിതമായ നിരവധി സേവനങ്ങള് ലഭിക്കുന്നതിനുവേണ്ടി ഉപഭോക്താക്കളുടെ മൊബൈല് നമ്പരോ ഇ-മെയില് വിലാസമോ രജിസ്റ്റര് ചെയ്യണമെന്ന് കെഎസ്ഇബി അറിയിച്ചു. വൈദ്യുതി തടസ്സമുണ്ടാകാന് സാധ്യതയുള്ള സമയവും അറ്റകുറ്റപ്പണികള്ക്കുശേഷമുള്ള പുനഃസ്ഥാപനസമയവും ഉപഭോക്താക്കളെ എസ്എംഎസ് വഴി അറിയിക്കുന്ന ഊര്ജ ദൂത് പദ്ധതി, വൈദ്യുതി ബില് തുകയുടെ വിവരങ്ങളും പണമടയ്ക്കാനുള്ള തീയതിയും അറിയിക്കുന്നതോടൊപ്പം വൈദ്യുതി വിച്ഛേദനം ഒഴിവാക്കുന്നതിനായി ബില്തുക അടയ്ക്കേണ്ട തീയതി ഓര്മ്മപ്പെടുത്തുകയും ചെയ്യുന്ന ഊര്ജസൗഹൃദ പദ്ധതി എന്നിവയാണ് നടപ്പിലാക്കുന്നത്. ഉപഭോക്താക്കള് ംംം.സലെയ.ശി എന്ന വെബ്സൈറ്റ് വഴി മൊബൈല് നമ്പരും ഇ-മെയില് വിലാസവും നല്കി രജിസ്റ്റര് ചെയ്യണം. സെക്ഷനാഫീസിലും ഇതിനായുള്ള സൗകര്യം ഏര്പ്പെടുത്തിയിട്ടുണ്ട്. ഇനിയും മൊബൈല് നമ്പര് രജിസ്റ്റര് ചെയ്തിട്ടില്ലാത്ത ഉപഭോക്താക്കള് എത്രയും പെട്ടെന്ന് അവരുടെ മൊബൈല് നമ്പര് രജിസ്റ്റര് ചെയ്ത് ഈ സൗജന്യ സേവനങ്ങള് അവരുടെ മൊബൈലില് ലഭ്യമാക്കണമെന്ന് കെഎസ്ഇബി അറിയിച്ചു.
പ്രതികരിക്കാൻ ഇവിടെ എഴുതുക: