നെയ്യാറ്റിന്കര: ഓഖി ചുഴലിക്കാറ്റില് കൃഷിനാശം സംഭവിച്ച എല്ലാ കര്ഷകര്ക്കും അടിയന്തര ധനസഹായ പാക്കേജ് അനുവദിക്കണമെന്ന് കര്ഷകമോര്ച്ച ആവശ്യപ്പെട്ടു. ഈ ആവശ്യം ഉന്നയിച്ച് ചെങ്കല് മേഖല കമ്മിറ്റിയുടെ നേതൃത്വത്തില് ചെങ്കല് കൃഷിഭവനിലേക്ക് മാര്ച്ച് നടത്തി.
ബിജെപി നെയ്യാറ്റിന്കര മണ്ഡലം ജനറല് സെക്രട്ടറി അഡ്വ. പുഴിക്കുന്ന് ശ്രീകുമാര് ഉദ്ഘാടനം ചെയ്തു. ഇന്ഷുറന്സ് പരിരക്ഷയില്ലാത്ത കര്ഷകര്ക്കും അടിയന്തര ധനസഹായ പാക്കേജ് അനുവദിക്കാതെ ഒരു മന്ത്രിമാരെയും പഞ്ചായത്തില് ഒരു പരിപാടിയിലും പങ്കെടുക്കുവാന് അനുവദിക്കില്ലെന്നും കേന്ദ്ര സര്ക്കാര് നല്കിയ മുന്കരുതല് വിവരം മത്സ്യത്തൊഴിലാളികളെ അറിയിക്കാത വീഴ്ച വരുത്തിയ സംസ്ഥാന സര്ക്കാര് കര്ഷകരെ ആത്മഹത്യയിലേക്ക് തള്ളി വിടുകയാണെന്നും അദ്ദേഹം പറഞ്ഞു. കര്ഷകമോര്ച്ച ചെങ്കല് മേഖല പ്രസിഡന്റ് അരവിന്ദാക്ഷന് അദ്ധ്യക്ഷത വഹിച്ചു.
ബിജെപി മണ്ഡലം ജനറല് സെക്രട്ടറി ആശ്രമം പ്രശാന്ത് , യുവമോര്ച്ച മണ്ഡലം ജനറല് സെക്രട്ടറി രാമേശ്വരം ഹരി, ബിജെപി ചെങ്കല് മേഖല പ്രസിഡന്റ് പ്രേമന്, ജില്ല കമ്മിറ്റിയംഗം പ്രദീപ്കുമാര്, ചെങ്കല് മേഖല ജനറല് സെക്രട്ടറി പോരന്നുര് വിമല് എന്നിവര് സംസാരിച്ചു. മര്യാപുരം ജംഗ്ഷനില് നിന്ന് ആരംഭിച്ച മാര്ച്ചിന് രഞ്ജിത്ത്, ബൈജു, ജയഭാരത് വിനോദ്, ഗോപന്, അഭയനന്തപുരം രതീഷ്, സുനില്, അജീഷ്, സന്തോഷ്, സജിത്ത്, അഖില് തുടങ്ങിയവര് നേതൃത്വം നല്കി.
